| e-texts navigator |
| Wylie |
314a1 ལ་དབང་བཅོལ་ལོ།། ཞེས་གསུངས་སོ།། དེ་ལ་འདི་ནི་རྟགས་བརྟག་པའོ།། མཚན་མས་མཚན་མ་གཞོམ་པའི་ཕྱིར། རོ་ལྔ་མཚན་ཉིད་བརྟག་པར་བྱ།། དགེ་བའི་རྟགས་ན་དངོས་གྲུབ་འབྱུང་།། གལ
314a2 ཏེ་ཤེས་པར་མ་གྱུར་ན།། ཐབས་ལ་མཁས་པས་སྤང་བར་བྱ།། ཡང་ན་སྦྱིན་སྲེག་བྱ་བར་བརྟག། ཅེས་གསུངས་སོ།། དེ་ལ་འདི་ནི་རིན་ཆེན་གཏེར་སྦ་བའོ།། གནས་དེ་བསོད་ནམས་གཏེར་ལྡན་ཕྱིར།། རིན་ཆེན་ལྔ
314a3 དང་སྨན་ལྔ་དང་། སྤོས་ལྔ་འབྲུ་ལྔ་སྙིང་པོ་ལྔ།། གའུའི་ནང་དུ་བླུགས་ནས་སུ།། ས་གཞི་གཏེར་དང་ལྡན་པར་བྱ།། ཞེས་གསུངས་སོ།། དེ་ལ་འདི་ནི་ས་སྦྱང་བའོ།། ས་ཞག་སྤོས་ཆེན་རྣམ་ལྔ་ཡི།། ཁུ་བ་བསྲེས་ནས
314a4 ཀུན་དུ་ནི།། གྲུ་བཞི་དབྱིབས་སུ་ལེགས་བྱས་ཏེ། བ་ཀོ་ཙམ་དུ་སྐྱོང་ནུལ་བྱ།། དེ་ནས་དཀྱིལ་འཁོར་ལྷ་ཚོགས་ཀྱི།། སྔགས་དང་ཕྱག་རྒྱས་སྦྱར་བར་བྱ།། དེས་ཀྱང་དངོས་པོ་ཀུན་སྦྱངས་ཏེ།། རྒྱལ་བའི་བཞུགས
314a5 གནས་རང་བཞིན་དུ།། ཏིང་ངེ་འཛིན་གྱིས་སྦྱང་བར་བྱ།། ཞེས་གསུངས་སོ།། དེ་ལ་འདི་ནི་ལྷ་སྟ་གོན་ལ་གནས་པའི་ཆོ་གའོ།། དེ་ན་ལྷ་རྣམས་ཇི་སྙེད་པ།། རང་བཞིན་ཀུན་རྫོབ་སྤྱན་དྲངས་ཏེ།། སྤོས་ཀྱི་དཀྱིལ
314a6 འཁོར་ལྷ་གྲངས་བཞིན།། གདན་སར་བྱས་ཏེ་ཡོན་མཆོད་ལ།། ལན་གཅིག་གཤེགས་ཞེས་སྟ་གོན་བྱ།། དེ་ནས་འདུས་པའི་སེམས་ཅན་ཀུན།། གསང་དང་སྙིང་གར་བྲམ་པ་དང་། ཀུ་ཤ་བྲིམ་དང་སྲུང་སྐུད་གདགས།།
iiif viewer powered by OpenSeadragon
