| e-texts navigator |
| Wylie |
313b1 དང་།། གདུག་པ་ཀླུ་ཡི་རྒྱུན་སྲང་དང་།། སྐྱོན་ཅན་རྒྱུ་བའི་ལམ་སྲང་དང་།། ཞང་བློན་གདུག་པའི་འདུག་ས་དང་།། ཁ་ནས་མ་ཟོའི་འདུན་ས་དང་། ཉེན་དང་འབྲེལ་བའི་གནས་རྣམས་ནི།། སྦྲུལ་གདུག་བར་དུ་འོངས
313b2 པ་ལྟར།། ཝ་ཡི་བརྟུལ་ཞུགས་ཆེན་པོ་ཡིས།། ལོ་ཡི་བཞུགས་ཏེ་རབ་ཏུ་སྤང་།། ཞེས་གསུངས་སོ།། དེ་ལ་འདི་ནི་བསླང་བའི་ལས་ཏེ།། དེ་ནས་བསླང་བའི་ལས་རྣམས་ཀྱང་།། མངོན་དང་མི་མངོན་བདག་པོ་ལ།།
313b3 རྩོད་པ་ཉེ་བར་ཞི་བྱའི་ཕྱིར།། སེར་སྣ་སྤངས་པའི་སེམས་ཀྱིས་ནི།། རིན་དང་བདེན་པས་བསྒོ་ལ་བསླང་།། ཞེས་གསུངས་སོ།། དེ་ལ་འདི་ནི་ས་གཟུང་བ་སྟེ། དེ་ནས་སློབ་དཔོན་བདག་ཉིད་ཀྱིས།། རྡོ་རྗེ་དྲིལ་བུར
313b4 ལྡན་པ་ཡིས།། རྩེ་གསུམ་འགྲོས་ཀྱིས་ཀུན་དུ་བསྐོར།། ཁྲོས་པས་ཧཱུཾ་གི་ང་རྒྱལ་བྱ།། དངོས་གྲུབ་བར་དུ་གཅོད་པའི་བགེགས།། དེངས་ཤིག་ཅེས་སུ་བསྒོ་ནས་ཀྱང་།། སེང་ལྡེང་ཕུར་བུ་སོ་བརྒྱད་པ། ཁྲོ་བོར་བྱིན
313b5 བརླབས་གདབ་པར་བྱ།། ཞེས་གསུངས་སོ།། དེ་ལ་འདི་ནི་སའི་ལྷ་མོ་སྤྱན་དྲངས་པའོ།། དེ་ནས་དབང་གྱུར་ལྷ་མོ་དེ།། སྤྱན་དྲངས་བསྐྱེད་དང་གཉིས་མིན་པར།། མཆོད་བསྟོད་ཚུལ་བཞིན་བྱས་ནས་ནི།། བདག་ཅག
313b6 རྣལ་འབྱོར་སྒྲུབ་པ་པོ།། བདུད་བཏུལ་མངོན་པར་རྫོགས་པའི་ཚེ།། རུ་ཏྲ་ཚོགས་ཀྱིས་རྒལ་བ་ལ།། དགྱེས་པའི་ལས་ཀྱི་དོན་བགྲངས་ཏེ།། བདག་ཅག་ས་ལ་བགྲོད་པའི་ཚེ།། རུ་ཏྲའི་རྒོལ་བ་བྱུང་བ་ན།། སྤྱན་ལྡན་དེ
iiif viewer powered by OpenSeadragon
