| e-texts navigator |
| Wylie |
312b1 ཤིང་ཤུན་ནམ།། ཏ་ལའི་ལོ་མའམ་དུར་ཁྲོད་རས།། ཞིང་ཆེན་རས་ལ་སོགས་པ་ལ།། ཕྱག་རྒྱའི་གཟུགས་སུ་བྲིས་ན་ཡང་།། མཚན་མ་འབྱུང་བའི་རྟེན་དུ་བཤད།། རྡོ་དང་ཤེལ་རྡོ་ལ་སོགས་དང་།། དུང་ངམ་པ་སོའི་རྒྱུ
312b2 ལས་ནི།། ཕྱག་རྒྱའམ་གཟུགས་སུ་འབུར་གཏོད་ནས།། དེ་ཡང་དངོས་གྲུབ་འབྱུང་བའི་རྟེན།། གསེར་དངུལ་ཟངས་ཁར་ལ་སོགས་ལ།། མཁས་པས་ལེགས་པར་ལུགས་བྱས་ཏེ། ཡན་ལག་མ་ཉམས་གཟུགས་བྱས
312b3 ན།། དེ་ཡང་མཚན་མའི་རྟེན་དུ་བཤད།། བླག་ཤ་བྱང་ཆུབ་ཤིང་བུའམ།། རྒྱུ་ཤིང་མཉེན་ལས་གཟུགས་བྱས་ན།། དེ་རྣམས་མཚན་མའི་རྟེན་དུ་བཤད།། སྦྱིན་ཞིང་མཉེན་པའི་རྒྱུ་རྣམས་ལས།། ཕྱག་རྒྱའི་གཟུགས་སུ
312b4 ལེགས་བྱས་ན།། དེ་ཡང་མཚན་མའི་རྟེན་ཡིན་ནོ།། ས་སྟེངས་དབྱིབས་ལེགས་མཛེས་པ་ལ།། རྡུལ་ཚོན་འདུས་བྱས་རྒྱུ་རྣམས་ཀྱིས།། བརྙན་མའི་དཀྱིལ་འཁོར་བྱས་ན་ཡང་།། དེ་ཡང་དངོས་གྲུབ་རྟེན་དུ་བཤད།། རེ
312b5 ཞིག་ལས་ཀྱི་དང་པོ་ལས།། ས་སྟེངས་དཀྱིལ་འཁོར་བྱས་པར་ཤིས།། ཞེས་གསུངས་སོ།། དེ་ལ་འདི་ནི་གནས་ཀྱི་མཚན་ཉིད་དེ།། ས་སྟེངས་བྱ་བའི་གནས་མཆོག་ཀྱང་།། སྐྱོན་ཡོན་བྱེ་བྲག་ཤེས་པ་ལས།། སྤང་བླང
312b6 གཉིས་སུ་ཤེས་པར་བྱ།། རི་བོ་རི་བྲན་འདུས་པའི་སྤྱིར།། གངས་རི་བྲག་དཀར་འདབ་རྩ་ནི།། སེང་གཅན་འཁྲ་བའི་གནས་ཞེས་བྱ།། ཞི་བའི་ལས་ལ་དེ་ཤིས་སོ།། ཕུག་ཆེན་དགོན་པ་ཆེན་པོ་དང་།། བྲག་ཆེན་རྡོ་རྗེ
iiif viewer powered by OpenSeadragon
