| e-texts navigator |
| Wylie |
312a1 གསལ་བར་བསྒོམ།། རྣལ་འབྱོར་རིག་པའི་ཁྱད་པར་རོ།། ཞེས་སྤངས་པས་འདུས་པའི་འཁོར་ཚོགས་ཐམས་ཅད་ཀྱིས་ཆོས་ཐམས་ཅད་ཏིང་ངེ་འཛིན་གྱིས་དབང་བསྐུར་བར་མཐོང་ངོ་།། འཕགས་པ
312a2 རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ཏིང་ངེ་འཛིན་གྱི་དཀྱིལ་འཁོར་རྣམ་པར་ཕྱེ་བའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོས
312a3 གཟུགས་བརྙན་ལྟ་བུ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལས་དང་པོ་པའི་རྣལ་འབྱོར་པ་ཡིད་ཆེས་པར་བྱ་བའི་ཕྱིར་འདུས་པའི་འཁོར་ཚོགས་རྣམས་ལ་བཀའ་སྩལ་པ། འདུས
312a4 པའི་འཁོར་ཚོགས་རྣམས་ཆོས་ཐམས་ཅད་ནི་གཟུགས་བརྙན་ལྟ་བུའི་རྣམ་པ་ཡིན་པར་ཤེས་པར་བྱའོ།། དེ་ཅིའི་ཕྱིར་ཞེ་ན།། ཆོས་ཐམས་ཅད་ནི་གཟུགས་བརྙན་ལྟ་བུའི་རྣམ་པར་སྣང་ཞིང་དེ་ལས་མ་འདས་པའི་ཕྱིར
312a5 རོ།། དེ་བས་ན་གཟུགས་བརྙན་གྱི་དཀྱིལ་འཁོར་ཅི་འདྲ་བར་བྱ་ཡིས་ཉོན་ཅིག། དེ་ལ་འདི་ནི་རྒྱུད་ཀྱི་རྣམ་གྲངས་སོ།། མི་ཤེས་པ་ཡི་འགྲོ་བ་ལ།། མཚོན་པས་གསལ་བའི་དོན་སྟོན་ཕྱིར། གཟུགས་བརྙན་དཀྱིལ
312a6 འཁོར་བཤད་པར་བྱ།། དེ་ཡང་ཇི་ལྟ་བུ་ཞེ་ན།། བརྟན་ཞིང་མཛེས་པའི་ཁང་བུ་ལ།། འཇམ་པོར་ཞལ་ཞལ་བྱས་ནས་ནི། ཁ་དོག་ལྔ་ཡི་གཟུགས་བྲིས་པ།། དེ་ཡང་དངོས་གྲུབ་རྟེན་དུ་བཤད།། རས་སམ་གྲོ་གའམ
iiif viewer powered by OpenSeadragon
