| e-texts navigator |
| Wylie |
310b1 བརྟན་པའི་ཡིག་འབྲུ་ཨ།། དེ་ལས་ཕྲ་མོ་ཨ་འཕྲོས་འདུས།། སྤྲོས་ཤིང་བསྡུས་ཀྱང་འཕེལ་འགྲིབ་མེད།། དེ་ལས་བདག་ཉིད་ཆེན་པོར་བསྒོམ།། མ་ལུས་ཐམས་ཅད་རྫོགས་པར་གསལ།། རྒྱས་བཏབ་བྱིན་བརླབས
310b2 དབང་བསྐུར་བས།། རྩ་བའི་དཀྱིལ་འཁོར་བར་དུ་རྫོགས།། དེ་བཞིན་དབྱིངས་ལས་ཤར་བས་ན།། བདག་ཉིད་ཆེན་པོ་གཡོན་དུ་སྟེ། མཁའ་དབྱིངས་རྡོ་རྗེ་པདྨོར་ལྡན།། དེ་ནི་བསྒོམ་པའི་དཀྱིལ་འཁོར་ཡིན།། སྐྱེད
310b3 པ་ཡང་ནི་འདི་ནི་འདི་ལྟ་སྟེ། ལྷ་ཚོགས་བདག་གི་སྲས་སུ་སྐྱེད།། དེ་ནས་བསྐྱེད་པའི་དཀྱིལ་འཁོར་ཡིན།། དེ་ཡང་ཇི་ལྟར་བསྐྱེད་ཅེ་ན།། ཐོག་མར་ཡབ་ཡུམ་མཁའ་རྣམ་གཉིས།། རྡོ་རྗེ་པདྨར་བྱིན་གྱིས་བརླབ།།
310b4 གཉིས་མེད་དགྱེས་པར་འཁྲིལ་བ་ལས།། བྷ་གའི་དཀྱིལ་དུ་ལིང་ཀ་ཨ།། འཕྲོ་འདུ་དབྱིངས་སུ་ཐིམ་པ་ལས།། དབང་ཆེན་ས་བོན་འབྲུ་ལྔར་གྱུར།། ཨེ་ཡཾ་བཾ་སུ་བྲུཾ། ཨེ་ཉིད་འདུས་པས་ནམ་མཁར་གསལ།། ཡཾ་ལས
310b5 རླུང་གི་དཀྱིལ་འཁོར་བསྐྱེད།། བཾ་ལས་བདུད་རྩིའི་རྒྱ་མཚོར་བསྐྱེད།། སུ་ལས་གསེར་གྱི་བྲིས་མར་བསྐྱེད།། བྲུཾ་ལས་རི་རབ་གཞལ་མེད་ཁང་།། དབྱིབས་དང་ཁ་དོག་ཚད་དཔག་མེད།། འཁོར་ལོའི་གདན་དང་རོལ
310b6 མོའི་ཚོགས།། རང་བཞིན་ཀུན་རྫོབ་ཅི་འདྲ་བའོ།། དེ་རུ་ལྷ་ཚོགས་བསྐྱེད་པ་ནི།། བརྟན་འབྱུང་མཐའ་ཡི་ཡི་གེ་ཨ།། འཕེལ་འགྲིབ་མེད་པར་གནས་པ་སྟེ།། གཉིས་མེད་དགྱེས་པའི་འཕྲོ་འདུ་ལ།། བཞི་བཅུ་རྩ་གཉིས
iiif viewer powered by OpenSeadragon
