| e-texts navigator |
| Wylie |
310a1 སྤྲུལ་པ་རྒྱལ་མཚོ་གང་གའི་བྱེ་སྙེད་འགྲོ་བ་ཆོས་སྟོན་ཞིང་ཁམས་ཁྱབ་ཅེས་ཆེད་དུ་བརྗོད་པ་ཆེད་དུ་བརྗོད་དོ།། ལེའུ་སྟེ་ལྔ་པའོ།། །། རང་བཞིན་གྱི་དཀྱིལ་འཁོར་བསྟན་པའོ།། དེ་ནས་བཅོམ
310a2 ལྡན་འདས་གསང་བ་མཆོག་གི་བདག་པོ་དེས་མི་གཡོ་བ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཏིང་ངེ་འཛིན་གྱི་དཀྱིལ་འཁོར་འདི་གསུངས་སོ།། འདུས་པའི་འཁོར་ཚོགས་རྣམས
310a3 ཆོས་ཐམས་ཅད་ཏིང་ངེ་འཛིན་གྱིས་དབང་བསྒྱུར་དུ་རུང་བ་ཙམ་དུ་རྟོགས་ཤིག། དེ་ཅིའི་ཕྱིརརེ་ཞེ་ན། ཆོས་ཐམས་ཅད་ནི་ཏིང་ངེ་འཛིན་ཇི་ལྟར་འདོད་པ་དེ་ལྟར་དབང་བསྒྱུར་བའོ།། འདུས་པའི་འཁོར་ཚོགས་འདི་ལྟ
310a4 སྟེ།། གསང་སྔགས་ཡ་མཚན་ཆེན་པོ་འདི།། ཏིང་འཛིན་དཀྱིལ་འཁོར་བསམ་ཡས་ཀྱང་།། མདོར་བསྡུས་རྣམ་པ་གསུམ་ཡོད་དེ།། བསྒོམ་པའི་ཏིང་འཛིན་དཀྱིལ་འཁོར་དང་། བསྐྱེད་དང་ལྷག་པའི་ཏིང་འཛིན་ནོ།།
310a5 ཐོག་མའི་རྣལ་འབྱོར་ཉིད་བསྒོམས་ཏེ།། དཀྱིལ་འཁོར་ཡིན་པར་རྒྱལ་བས་གསུངས།། དེ་ཡང་ཇི་ལྟར་བསྒོམ་ཞེ་ན།། ཏིང་ངེ་འཛིན་ཀྱང་རྣམ་གསུམ་སྟེ། དང་པོར་དེ་བཞིན་ཉིད་ཀྱི་དང་།། དེ་བཞིན་ཉིད་ལ་གནས
310a6 བཅའི་ཕྱིར།། སྟོང་པ་ཆེན་པོའི་ཏིང་འཛིན་བསྒོམ།། གཉིས་པ་ཀུན་སྣང་ནམ་མཁའི་ངང་།། སྙིང་རྗེ་ཡུམ་གྱི་ཁྱབ་པའི་ཕྱིར།། མཚམས་སྦྱོར་ཆེན་པོའི་ཏིང་འཛིན་བསྒོམ།། གསུམ་པ་རང་གི་ས་བོན་ནམ།། རབ་ཏུ
iiif viewer powered by OpenSeadragon
