| e-texts navigator |
| Wylie |
309b1 ནམ་མཁའ་ཡི་ནི་མདོག་འདྲ་ལ།། ཏིང་ངེ་འཛིན་དུ་ལྡན་པར་གནས།། དེ་ལ་སོགས་རེ་མཐའ་ཡས་མཆོག། བརྗོད་མེད་རྗོད་དུ་མེད་པ་ཡི།། ལྷ་ཡི་ཚོགས་ཀྱིས་གང་བར་གནས།། དཀྱིལ་འཁོར་བསམ་ཡས་ལྷུན་གྱིས
309b2 གྲུབ།། ལྷ་ཡི་ཚོགས་ཆེན་དེ་དག་གི། ཐུགས་ཀར་ཡེ་ཤེས་སེམས་དཔའ་གནས།། ཚོན་གང་འོད་དང་བཅས་པའོ།། ལྗང་ལ་རང་རྟགས་ཡི་གེ་རྣམས།། རང་རྟགས་ཕྱག་རྒྱའི་སྟེང་དུ་གསལ།། དེ་ལྟའི་སྐུ་མཆོག་རེ་རེ
309b3 ལ།། ཚུལ་དགུ་དག་དང་ལྡན་པ་སྟེ། མཉེན་དང་ལྕུག་དང་འཁྲིལ་བག་དང་། ལྡེམ་བག་ཆགས་དང་གཞོན་ཚུལ་ཅན།། གསལ་དང་འཚེར་དང་ལྷུན་སྟུག་དང་། གཟི་བརྗིད་འབར་བར་རབ་ཏུ་གནས།། དེ་ལྟར་རང
309b4 བཞིན་དཀྱིལ་འཁོར་ནས།། ཕྱི་རབས་སྔགས་འཆང་རྣལ་འབྱོར་པས།། སྤྱན་དྲངས་མཆོད་པ་དབུལ་བའི་འོས།། ཞེས་གསུངས་པས་ཆོས་ཐམས་ཅད་རང་བཞིན་གྱི་དཀྱིལ་འཁོར་དུ་ལྷུན་གྱིས་གྲུབ་བོ།། དེ་ནས་སྨྲ
309b5 བའི་སེང་གེ་ལ་སོགས་པའི་འདུས་པའི་འཁོར་ཚོགས་རྣམས་རང་རང་གི་བསམ་པ་རངས་པར་གྱུར་ཏེ། ཨ་ལ་ལ་ཞེས་བྱ་བའི་སྒྲ་ཕྱུང་ནས་མགྲིན་གཅིག་ཏུ་ཆེད་དུ་བརྗོད་པ་འདི་བརྗོད་དོ།། ཨ་ཧོ་དམིགས་དང་མི
309b6 དམིགས་བརྟན་གཡོ་ཆོས་ཀུན་ལྷུན་གྲུབ་དཔག་མི་ལང་།། རང་རིག་ཡོན་ཏན་དཔག་མེད་བསམ་ཡས་མང་པོ་དེ་ཀུན་བརྗོད་མི་ལང་།། གསང་སྔགས་རྒྱ་མཚོ་ཐུགས་རྗེ་བསམ་ཡས་བསམ་ཁྱབ་ཇི་སྙེད་དཔག་མི་ལང
iiif viewer powered by OpenSeadragon
