| e-texts navigator |
| Wylie |
309a1 བྱང་ཤར་མཚམས་ཀྱི་གྲུ་ལ་གནས།། དེ་དག་གི་ནི་གཡོན་རོལ་ན།། སྤོས་དང་མེ་ཏོག་བདུག་པ་དྲི།། གཡས་པ་ཐབས་ཀྱི་གཙོ་ལ་འཁྱུད།། གཡོན་པ་རང་རྟགས་འཛིན་པའོ།། ཆ་ལུགས་ཐམས་ཅད་སྔ
309a2 མ་བཞིན།། སྒོ་ཁྱུད་རྣམས་ལ་འཇོམས་པ་ནི།། གཤིན་རྗེ་གཤེད་པོ་མཐིང་ནག་འབར།། ནིར་མགོ་གདེངས་པ་ལག་མཚན་ཐོགས།། ཤར་གྱི་སྒོ་ནི་རྣམ་པར་གནས།། རྣམ་པར་རྒྱལ་བ་སེར་ནག་འབར།། རྡོ་རྗེས
309a3 གནོད་པ་ལྷོ་སྒོར་རོ།། རྟ་མགྲིན་དམར་ནག་འབར་བ་སྟེ། ཐོད་སྦྲུལ་ཐོགས་པ་ནུབ་སྒོར་གནས།། བདུད་རྩི་འཁྱིལ་བ་ལྗང་ནག་འབར།། རྒྱ་གྲམ་གྱིས་གནོན་བྱང་གི་སྒོར། སྟང་སྟབས་ཚུལ་དུ་རབ་ཏུ་གནས།། དུར
309a4 ཁྲོད་རྒྱན་གྱིས་རྣམ་པར་བརྒྱན།། རྣམ་པར་གཙིགས་ལ་འཇིགས་འཇིགས་ལྷ།། མེ་དཔུང་འབར་བའི་ཀླུང་དུ་འཁྱིལ།། ཧཱུཾ་དང་ཕཊ་གྱི་སྒྲ་ཆེན་སྒྲོགས།། དེ་དག་གི་ནི་གཡོན་རོལ་ན།། གཤེད་མོ་དང་ནི་རྒྱལ་མ་དང་།
309a5 རྟ་མགྲིན་མོ་དང་འཁྱིལ་མོ་རྣམས།། ལག་མཚན་ལྕགས་ཀྱུ་ཞགས་པ་དང་། སྒྲོག་དང་དྲིལ་བུ་ཐོགས་ཤིང་རྔམ།། ཆ་ལུགས་འཇོམས་པ་དག་དང་འདྲ།། སྒོ་ཁྱུད་དག་ཏུ་ལྷུན་གྱིས་གྲུབ།། མཛེས་པའི་བར་ཁྱམས་དེ
309a6 ཉིད་ལ།། སྦྲུལ་སྐུ་ཐུབ་པ་ཆེན་མོ་དྲུག། ཅི་འདུལ་ཐབས་ཀྱི་སྐུར་སྟོན་པས། ཆ་ལུགས་མ་ངེས་འདུལ་བར་སྟོན།། མཛེས་པའི་བར་ཁྱམས་དེ་ཉིད་ལས།། མདུན་དང་རྒྱབ་གྱི་ཕྱོགས་རོལ་ལ།། བྱེད་པ་པོ་དང་བྱ་བ་མོ།།
iiif viewer powered by OpenSeadragon
