| e-texts navigator |
| Wylie |
308b1 ཐབས་ཀྱི་གཙོ་ལ་འཁྱུད།། གཡོན་པས་རང་རྟགས་དྲིལ་བུ་འཛིན།། སྐུ་མདོག་ཆ་ལུགས་ཡབ་དང་འདྲ།། འཁོར་ལོ་རྩིབས་ལ་ལྷུན་གྱིས་གྲུབ།། སྤྱན་སྔའི་གློ་འབུར་མཛེས་པ་ལ།། ལག་ན་རྡོ་རྗེ་སྔོ་སྐྱའི་མདོག། རང
308b2 རྟགས་རྡོ་རྗེ་རྩེ་གསུམ་འཛིན།། གཡས་ན་ས་ཡི་སྙིང་པོ་སྟེ། ལྗང་སྔོན་རིན་ཆེན་མྱུ་གུ་འཛིན།། རྒྱབ་ཏུ་ནམ་མཁའི་སྙིང་པོ་སྟེ།། མཐིང་ག་རང་རྟགས་རལ་གྲི་འཛིན།། གཡོན་དུ་མཛེས་པའི་བློ་འབུར་ལ།། སྤྱན་རས
308b3 གཟིགས་དབང་དམར་སྐྱ་སྟེ། རང་རྟགས་པདྨ་དཀར་པོ་འཛིན།། ཐོར་ཚུགས་ཡེ་ཤེས་སེམས་དཔས་བརྒྱན།། སེམས་དཔའི་སྐྱིལ་མོ་ཀྲུང་དུ་བཞུགས།། རྒྱན་དང་ཆ་ལུགས་ཀུན་གྱི་བརྒྱན། དེ་དག་གི་ནི་གཡོན་རོལ
308b4 ན།། གར་དང་སྒེག་མོ་ཕྲེང་བ་དབྱངས།། གཡས་པས་ཐབས་ཀྱི་གཙོ་ལ་འཁྱུད།། གཡོན་པ་ག་གར་དང་མེ་ལོང་ཕྲེང་།། པི་ཝང་འཛིན་ཅིང་ཆ་ལུགས་གཞན།། གཙོ་བོ་ཉིད་ཀྱང་མཐུན་པ་ཡིན།། མཛེས་པའི་གྲུ་ཆེན
308b5 རྣམས་ལ་ནི།། བྱམས་པ་མེ་ཏྲི་དཀར་བ་སྟེ། མཛེས་པའི་ཀླུ་ཤིང་འགུནྡེ་བསྣམས།། ཤར་ལྷོ་མཚམས་ཀྱི་གྲུ་ཆད་ལའོ།། སྒྲིབ་པ་རྣམ་སེལ་མཐིང་ག་སྟེ།། ཆོས་ཀྱི་འཁོར་ལོ་འཛིན་པ་སྟེ།། ལྷོ་ནུབ་མཚམས་སུ་མཛེས
308b6 པར་གནས།། འཇམ་དཔལ་གཞོན་ནུ་དམར་སྐྱའི་མདོག། རང་རྟགས་ཨུཏྤལ་མཐིང་ག་འཛིན།། ནུབ་བྱང་མཚམས་སུ་མཛེས་པར་གནས།། ཀུན་ཏུ་བཟང་པོ་ལྗང་སེར་མདོག། རང་རྟགས་རིན་ཆེན་སྙེ་མ་འཛིན།།
iiif viewer powered by OpenSeadragon
