| e-texts navigator |
| Wylie |
308a1 ལྷ་དང་ལྷ་མོ་བསམ་མི་ཁྱབ།། ཕྱི་རོལ་ཁོ་ར་ཁོར་ཡུག་ན།། རྩེས་འཆགས་ས་བརྗོད་མི་ལང་།། དེ་ལ་སོགས་པ་བསམ་ཡས་མཆོག། མ་བཙལ་ཡེ་ནས་ལྷུན་གྱིས་གྲུབ།། ལྷ་མཆོག་རྣམས་ཀྱི་བསོད
308a2 ནམས་ཀྱིས།། རྒྱུ་ལས་གྲུབ་པར་རྒྱལ་བས་གསུངས།། ཕོ་བྲང་དེ་ན་གནས་པ་ཡི།། ཡེ་ཤེས་ལྷ་ཚོགས་མང་པོ་རྣམས།། གཙོ་གཟུངས་ཟུང་དུ་འཁྲིལ་བ་སྟེ། དབུས་ཀྱི་ཕོ་བྲང་སྙིང་པོ་ལ།། རྣམ་པར་སྣང་མཛད་སྙིང་པོ
308a3 ཆེ།། འཛམ་བུ་ན་དའི་གསེར་འོད་འདྲ།། རང་རྟགས་ལག་ན་འཁོར་ལོ་བསྣམས།། དཔའ་བོ་དེ་ཡི་སྤྱན་སྔ་ན།། རྡོ་རྗེ་སེམས་དཔའི་རྒྱ་ཆེན་ཡང་།། དུང་དང་ཤེལ་གྱི་ཁ་དོག་འདྲ།། རག་རྟགས་ལག་ན་རྡོ་རྗེ་འཛིན།།
308a4 གཡས་སུ་རིན་ཆེན་འབྱུང་ལྡན་ཏེ། བཻ་ཌཱུརྱ་ཡི་ཁ་དོག་འདྲ།། རང་རྟགས་རིན་ཆེན་ཟུར་བརྒྱད་འཛིན།། རྒྱབ་ན་སྣང་བ་མཐའ་ཡས་གཙོ།། པདྨ་རཱ་གའི་མདོག་འདྲ་ཞིང་།། རང་རྟགས་པདྨ་དམར་པོ་འཛིན།། གཡོན
308a5 དུ་དོན་ཡོད་གྲུབ་པ་སྟེ། ཨིན་ཏྲ་ནི་ལ་ལྗང་གུའི་མདོག། རང་རྟགས་ཕྱག་ན་རལ་གྲི་འཛིན།། ཀུན་ཀྱང་ཞི་བའི་ཆ་ལུགས་ཏེ།། ཐོར་ཚུགས་རིགས་ལྔ་དབུ་ལ་བརྒྱན།། རྫོགས་པའི་སྐྱིལ་སྐྱང་ཚུལ་དུ་བཞུགས།། དོ་ཤལ
308a6 དཔུང་རྒྱན་སེ་མོ་དོ།། ཕྱག་གདུབ་སྙན་ཆས་ཀུན་ལ་མཛེས།། མཚན་དང་དཔེ་བྱད་ཡང་དག་རྫོགས།། དེ་དག་གི་ནི་གཡོན་རོལ་ན། ཀུན་དུ་བཟང་དང་ལོ་ཙ་ན།། མཱ་མ་གོས་དཀར་སྒྲོན་མ་རྣམས།། གཡས་པས
iiif viewer powered by OpenSeadragon
