| e-texts navigator |
| Wylie |
307b1 འབུར་བཞི་ཡང་མཁར་ཐབས་ཚུལ།། བུམ་པའི་རྩེ་མོ་ཆོས་ཀྱི་ཏོག། རྨ་བྱའི་མདོངས་དག་ལྡན་པའོ།། སྒོ་བཞི་སྒོ་ཁྱུད་བཞི་དང་ལྡན།། རྟ་བབས་བརྒྱད་དང་ཡང་དག་ལྡན།། དབུས་ན་འཁོར་ལོ་རྩིབས་བཞི་པ།། ལྟེ
307b2 བར་བཅས་ཤིང་རྩིབས་སྟེན་ལྡན།། གྲུ་ཆད་པར་ཁྱམས་མཛེས་པར་ལྡན།། རིན་ཆེན་འོད་ཟེར་འབར་བས་འཁྲིགས།། སེམས་ཅན་པདྨ་ཉི་ཟླ་དང་། རིན་ཆེན་འབར་བའི་གནས་མཆོག་ལྡན།། རིན་ཆེན་ཁྲི་རྐང་རྣམ
307b3 རྟེན་ལྡན། ཕོ་བྲང་དེ་ཡི་གདན་མཆོག་ཀྱང་།། ཉི་ཟླ་ནོར་བུ་རིན་ཆེན་འབར།། བླ་རེ་རྒྱལ་མཚན་ན་བཟའ་གདུགས།། དར་དང་བ་ར་མུ་ཏིག་ཕྲེང་།། དྲིལ་བུ་དང་ནི་རྔ་ཡབ་སོགས།། རོལ་མོའི་ཆ་བྱད་སྣ་ཚོགས
307b4 བརྒྱན།། འཇིག་རྟེན་ལྷ་ཚོགས་མཛེས་པ་དང་། དེ་ལ་སོགས་ཏེ་རྒྱན་རྣམས་ཀྱང་།། བསམ་གྱི་མོ་ཁྱབ་མཐའ་ཡས་མཆོག། གཞལ་ཡས་དེ་ཡི་སྒོ་བཞིན།། གླང་སེང་རྣམས་ཀྱིས་མཛེས་པར་བྱས།། རྟ་བབས་རྣམས་ཀྱི
307b5 ཙོང་ཙོང་དང་།། གསེར་གྱི་དྲིལ་བུ་འབར་བ་དག། དཀོན་མཆོག་གསུམ་གྱི་མཚན་ཡང་སྒྲོགས།། སྒོ་དྲུང་དེ་དག་རེ་རེ་ན།། ཏ་ལའི་སྐྱེད་ཤིང་ཙོང་ཙོང་འཁྲིལ།། དྲི་དང་གཟུགས་དང་འོད་དུ་ལྡན།། ཏ་ལའི་སྐྱེད་ཤིང་དེ
307b6 དག་ལ།། ཁུ་བྱུག་ལ་སོགས་བཀྲ་ཤིས་པའི།། བྱ་རྣམས་སྙན་པའི་སྐད་ཀྱང་འབྱིན།། སྒོ་དྲུག་དེ་དག་རེ་རེ་ན།། ཁྲུས་ཀྱི་རྫིང་བུ་དབྱིབས་ལེགས་པ།། བློ་མཆོག་ཡན་ལག་ལྡན་པའི་ཆུ།། གྲངས་མེད་དེ་དག་རེ་རེ་ན།།
iiif viewer powered by OpenSeadragon
