| e-texts navigator |
| Wylie |
307a1 རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། འདུས་བྱས་མ་བྱས་ཆོས་རྣམས་ཀུན།། ཆོས་ཀྱི་སྐྱེད་བྱེད་ཡིན་པར་གྲགས།། རྣམ་པར་ཤེས་པའི་ཡུལ་ཡིན་པས།། ཀུན་ཏུ་བཟང་མོའི་རང་བཞིན
307a2 ཡིན།། དེ་ལ་སོགས་ཏེ་མཐའ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའི་ཁམས་ཀྱི་མཐའ་ཀླས་པ།། ཇི་སྙེད་རྣམ་གྲངས་ཡོད་པའི་ཆོས།། ཀུན་ཀྱང་ཕྱག་རྒྱའི་རང་བཞིན་པས།། རང་བཞིན
307a3 དཀྱིལ་འཁོར་ཆེན་པོ་ཡི།། རྣམ་གྲངས་ཡིན་པར་རྒྱལ་བས་གསུངས།། ཞེས་ཆེས་དུ་བརྗོད་པ་གསུངས་སོ།། དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་རང་བཞིན་ཀུན་རྫོབ་ཀྱི་དཀྱིལ་འཁོར
307a4 འདི་གསུངས་སོ།། ཀུན་རྫོབ་མཚན་མའི་གནས་ཆེན་ཀྱང་།། འོག་མིན་བླ་མིན་གནས་མཆོག་གམ།། ལྕང་ལོ་ཅན་ནམ་བདེ་བ་ཅན།། པདྨ་ཅན་ལ་སོགས་པ་ཡི།། རང་བཞིན་ལྷུན་གྲུབ་དཀྱིལ་འཁོར་དེ།། མཚན་མའི
307a5 རྣལ་འབྱོར་ངོ་ལ་སྣང་།། དེ་ཡང་ཇི་ལྟ་བུ་ཞེ་ན། མཁའ་འམ་ཡིད་ཀྱི་ནམ་མཁའ་ལ།། འབྱུང་ཆེན་བརྩེགས་པའི་ལྷུན་གྱིས་གྲུབ།། དེ་སྟེང་རིན་ཆེན་སྣ་བཞི་ལས།། ལྷུན་གྱིས་གྲུབ་པ་ཚད་དཔག་མེད།། དེ་ལ་བརྟེན
307a6 པའི་ས་གཞི་ནི།། རིན་ཆེན་སྣ་ཚོགས་གཅལ་དུ་བཀྲམ།། མནན་ནེམ་བཏེག་འཕར་མཛེས་པའི་གཞི།། དེ་ལ་ཕོ་བྲང་གཞལ་མེད་ཁང་།། གྲུ་བཞི་ལྷམ་པ་མཛེས་པར་སྣང་།། རིན་ཆེན་སྣ་བཞིའི་རྒྱུ་ལས་གྲུབ།། གློ
iiif viewer powered by OpenSeadragon
