| e-texts navigator |
| Wylie |
306b1 ཐམས་ཅད་ཀྱི།། ཚོགས་དྲུག་འགགགས་པའི་དེ་མ་ཐག། གོ་འབྱེད་གསལ་བའི་བདག་ཉིད་དེ།། ཡིད་ཀྱི་ཁམས་ཞེས་བྱ་བར་གྲགས།། དེ་སྤྱོད་བྱ་བ་བྱེད་པའི་ཕྱིར།། བདུད་རྩི་འཁྱིལ་བའི་རང་བཞིན་ཡིན།། ཞེས
306b2 གསུངས་སོ།། དེ་ལ་འདི་ནི་ཕྱིན་ཅི་མ་ལོག་པ་བཞི་ལྷ་མོ་བཞིའི་རང་བཞིན་དུ་གསུངས་པ། སྣོད་བཅུད་འགྲོ་བ་ཐམས་ཅད་ཀྱི།། འཇིག་དང་སྐད་ཅིག་མི་རྟག་པ། རྟག་པར་མ་ཡིན་ཞེས་སུ་གྲགས།། སྒྱུ་མ་ལྟ་བུ་ཡིན
306b3 པའི་ཕྱིར།། ལྕགས་ཀྱུ་མ་ཡི་རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། ཀུན་རྟོག་གཞན་དབང་མེད་མིན་པ།། ཆད་པར་མ་ཡིན་ཞེས་སུ་གྲགས།། རྨི་ལམ་ལྟ་བུར་སེམས་སྣང་ཕྱིར།། ཞགས་པ་མ་ཡི་རང
306b4 བཞིན་ཡིན། སྣོད་བཅུད་འགྲོ་བ་ཐམས་ཅད་ཀྱི།། གཟུང་འཛིན་དངོས་པོར་མ་གྲུབ་པ།། མཚན་མར་མ་ཡིན་ཞེས་སུ་གྲགས།། སྨིག་རྒྱུ་ལྟ་བུར་སེམས་སྣང་ཕྱིར།། ལྕགས་སྒྲོ་མ་ཡིན་རང་བཞིན་ཡིན།། སྣོད་བཅུད
306b5 འགྲོ་བ་ཐམས་ཅད་ཀྱི།། སྐྱེས་བུ་བྱེད་པ་མ་གྲུབ་པ།། བདག་ཏུ་མ་ཡིན་ཞེས་སུ་གྲགས།། སྒྲ་བསྟན་ལྟ་བུའི་སེམས་སྣང་ཕྱིར། དྲིལ་བུ་མ་ཡི་རང་བཞིན་ཡིན།། ཞེས་གསུངས་སོ།། དེ་ལ་འདི་ནི་ཡིད་དང་ཆོས་གཙོ
306b6 གཟུངས་གཉིས་ཀྱི་རང་བཞིན་དུ་བསྟན་ཏེ། སྲིད་གསུམ་སེམས་ཅན་ཐམས་ཅད་ཀྱི།། ཆོས་རྣམས་ཀུན་ལ་ངེས་སྤྱོད་པའི།། ཡིད་ཀྱི་རྣམ་ཤེས་ཞེས་སུ་གྲགས།། རྟོག་པའི་ཡེ་ཤེས་ཡིན་པའི་ཕྱིར།། ཀུན་ཏུ་བཟང་པོའི
iiif viewer powered by OpenSeadragon
