| e-texts navigator |
| Wylie |
305a1 སྲིད་གསུམ་སེམས་ཅན་ཐམས་ཅད་ཀྱི།། སྒྲ་རྣམས་ཀུན་ལ་སྤྱོད་པ་ཀུན།། རྣ་བའི་རྣམ་ཤེས་ཞེས་སུ་གྲགས།། ཐོས་པའི་ཡེ་ཤེས་ཡིན་པས་ན།། ལག་ན་རྡོ་རྗེའི་རང་བཞིན་ཡིན།། སྲིད་གསུམ་སེམས
305a2 ཅན་ཐམས་ཅད་ཀྱི།། དྲི་རྣམས་ཀུན་ལ་སྤྱོད་པ་ཀུན།། སྣ་ཡི་རྣམ་ཤེས་ཞེས་སུ་གྲགས།། ཚོར་བའི་ཡེ་ཤེས་ཡིན་པས་ན།། ནམ་མཁའི་སྙིང་པོའི་རང་བཞིན་ཡིན།། སྲིད་གསུམ་སེམས་ཅན་ཐམས་ཅད་ཀྱི།། རོ་རྣམས
305a3 ཀུན་ལ་སྤྱོད་པ་ཀུན།། ལྕེ་ཡི་རྣམ་ཤེས་ཞེས་སུ་གྲགས།། མྱོང་བའི་ཡེ་ཤེས་ཡིན་པའི་ཕྱིར།། སྤྱན་རས་གཟིགས་ཀྱི་རང་བཞིན་ཡིན།། ཞེས་གསུངས་སོ།། དེ་ལ་ཡུལ་བཞི་བྱང་ཆུབ་སེམས་མ་བཞིའི་རང་བཞིན་དུ
305a4 གསུང་བ།། སྣོད་བཅུད་འགྲོ་བ་ཐམས་ཅད་ཀྱི། ཁ་དོག་དབྱིབས་དང་མཚན་མ་ཀུན།། གཟུགས་ཀྱི་སྐྱེ་མཆེད་ཉིད་དུ་གྲགས།། མཐོང་བར་བྱ་བའི་ཡུལ་ཡིན་པས།། གཟུགས་མཛེས་ལཱ་སྱེའི་རང་བཞིན་ཡིན།། སྣོད
305a5 ད་འགྲོ་བ་ཐམས་ཅད་ཀྱི།། ཟིན་དང་མ་ཟིན་གཉིས་ཀ་ལས།། བྱུང་བའི་སྒྲ་ཡི་ཁམས་སུ་གྲགས།། ཐོས་པར་བྱ་བའི་ཡུལ་ཡིན་པས།། ནིར་ཏྱ་མ་ཡི་རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། ལྷན
305a6 ཅིག་སྐྱེས་དང་སྦྱར་དང་གྱུར།། ཞིམ་དང་ང་དང་དེ་བཞིན་གཞན།། དྲི་ཡི་ཁམས་དང་སྐྱེ་མཆེད་དེ།། བསྣམ་པར་བྱ་བའི་ཡུལ་ཡིན་པས།། མཱ་ལེ་ཉིད་ཀྱི་རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། ཁ
iiif viewer powered by OpenSeadragon
