| e-texts navigator |
| Wylie |
304b1 བདེ་གཤེགས་དབྱིངས་ཕྱུག་རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། སྲ་བརྟན་སྐྱེད་བསྐྲུན་རྟེན་རྣམས་ཀུན།། ས་ཡི་ཁམས་སུ་གྲགས་པ་རྣམས།། མི་འགྱུར་དབྱིངས་ལ་ཤར་བས་ན།། ཐམས་ཅད་སྐྱེད
304b2 པའི་རྟེན་ཡིན་པས།། རྡོ་རྗེས་དབྱིངས་ཕྱུག་རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། གྱེས་སྡུད་གཤེར་བའི་མཚན་ཉིད་ཀུན།། ཆུ་ཡི་ཁམས་སུ་གྲགས་པ་སྟེ། ཀུན་སྡུས་དབྱིངས་སུ་ཤར་བས་ན།། ཡོན
304b3 ཏན་ཚོགས་ཆེན་ཀུན་སྡུད་པས།། རིན་ཆེན་དབྱིངས་ཕྱུག་རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། གསལ་དྲོའི་ངོ་བོ་ཐམས་ཅད་ཀུན།། མེ་ཡི་ཁམས་སུ་གྲགས་པ་རྣམས།། སྣང་གསལ་དབྱིང་ལ་ཤར
304b4 བས་ན།། གསལ་དྲོ་སྲེག་པའི་རང་བཞིན་པས།། པདྨའི་དབྱིངས་ཕྱུག་རང་བཞིན་ཡིན།། སྣོད་བཅུད་འགྲོ་བ་ཐམས་ཅད་ཀྱི།། ཡང་གཡོ་འདེགས་བསྐྱོད་ཐམས་ཅད་ཀུན།། རླུང་གི་ཁམས་སུ་གྲགས་པ་སྟེ། བསྐྱོད
304b5 ཆེན་དབྱིངས་ལ་ཤར་བས་ན།། ཐོགས་མེད་ཤུགས་བསྐྱོད་རང་བཞིན་པས།། ལས་ཀྱི་དབྱིངས་ཕྱུག་རང་བཞིན་ཡིན།། ཞེས་གསུངས་སོ།། དེ་ལ་འདི་ནི་རྣམ་པར་ཤེས་པ་བཞི་བྱང་ཆུབ་སེམས་དཔའ་བཞིའི
304b6 རང་བཞིན་དུ་གསུང་པ།། སྲིད་གསུམ་སེམས་ཅན་ཐམས་ཅད་ཀྱི།། ཁ་དོག་དབྱིབས་ལ་སྤྱོད་པ་ཀུན།། མིག་གི་རྣམ་ཤེས་ཞེས་སུ་གྲགས།། མཐོང་བའི་ཡེ་ཤེས་ཡིན་པའི་ཕྱིར།། ས་ཡི་སྙིང་པོའི་རང་བཞིན་ཡིན།།
iiif viewer powered by OpenSeadragon
