| e-texts navigator |
| Wylie |
304a1 དབྱེར་མེད་དོན་གྱི་གཏི་མུག་པས།། རྣམ་པར་སྣང་མཛད་རང་བཞིན་ཡིན།། སྲིད་གསུམ་སེམས་ཅན་ཐམས་ཅད་ཀྱི།། བདེ་སྡུག་ཚོར་བའི་ཕུང་པོ་ཀུན།། མཉམ་ཉིད་དབྱིངས་ལ་སྣང་བས་ན།། ང་རྒྱལ
304a2 ཆེན་པོའི་རང་བཞིན་པས།། མྱོང་བ་རིན་ཆེན་འབྱུང་བ་ཡིན།། སྲིད་གསུམ་སེམས་ཅན་ཐམས་ཅད་ཀྱི།། ཡུལ་དང་ཤེས་པ་ཕྲ་རགས་ཀྱི།། བདེ་བའི་ཕུང་པོ་ཐམས་ཅད་ཀུན།། མ་འདྲེས་དབྱིངས་ལ་སྣང་བས་ན།།
304a3 ཤེས་རབ་རླབས་ཀྱི་འདོད་ཆགས་པས།། སྣང་བ་མཐའ་ཡས་རང་བཞིན་ནོ།། སྲིད་གསུམ་སེམས་ཅན་ཐམས་ཅད་ཀྱི།། དགེ་དང་མི་དགེ་གཉིས་ཀ་མིན།། སེམས་ལ་བྱུང་དང་མ་བྱུང་བའི།། འདུ་བྱེད་ཕུང་པོ་ཐམས
304a4 ཅད་ཀུན།། སྤྲོ་བསྡུ་དབྱིངས་ལས་བྱུང་བས་ན།། རྣམ་པར་གྲོལ་བའི་ཕྲག་དོག་པས།། དོན་ཡོད་གྲུབ་པའི་རང་བཞིན་ཡིན།། སྲིད་གསུམ་སེམས་ཅན་ཐམས་ཅད་ཀྱི།། རྣམ་སྨིན་རང་སེམས་རྣམ་རིག་པའི།། ཤེས
304a5 བརྒྱད་རྣམ་ཤེས་ཕུང་པོ་ཀུན།། རིག་པའི་དབྱིངས་ལ་ཤར་བས་ན།། ཞེ་སྡང་ཆེན་པོའི་ཡེ་ཤེས་པས།། རྡོ་རྗེ་སེམས་དཔའི་རང་བཞིན་ཡིན།། ཞེས་གསུངས་སོ།། དེ་ལ་འདི་ནི་ཆེན་པོ་ལྔ་དབྱིངས་ཕྱུག་ལྔའི་རང་བཞིན
304a6 དུ་གསུངས་པ། སྣོད་བཅུད་འགྲོ་བ་ཐམས་ཅད་ཀྱི།། གསལ་སྟོང་མི་སྒྲིབ་གོ་འབྱེད་པའི།། སྣང་སྟོང་ནམ་མཁའི་ཁམས་རྣམས་ཀུན།། སྟོང་ཉིད་དབྱིངས་ལ་ཤར་བས་ན།། ཐམས་ཅད་གནས་པའི་ཀློང་ཡིན་པས།།
iiif viewer powered by OpenSeadragon
