| e-texts navigator |
| Wylie |
303b1 པའི།། རང་བཞིན་དག་པ་དྲི་མ་མེད།། རང་བཞིན་ལྷུན་གྲུབ་ཟབ་མོའི་དོན།། བཅོམ་ལྡན་སྙིང་པོས་བཤད་དུ་གསོལ། ཨ་ལ་ལ་ཧོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་གསོལ་བ་བཏབ
303b2 པའི་དོན་ཐུགས་སུ་ཆུད་ནས་ལྷུན་གྱིས་གྲུབ་པའི་དཀྱིལ་འཁོར་འབྱུང་བའི་རྡོ་རྗེ་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་ནས་ཡང་རང་བཞིན་དོན་དམ་པའི་དཀྱིལ་འཁོར་སྤྲོས་པ་དང་བྲལ
303b3 བ་འདི་གསུངས་སོ།། ཨེ་མའོ་སངས་རྒྱས་ཀུན་གྱི་བྱང་ཆུབ་སེམས།། བླ་ན་མེད་པ་རྟོགས་འགྱུར་བའི།། རྒྱལ་བས་གསུངས་པའི་ཡེ་ཤེས་གང་།། དེ་ནི་དཀྱིལ་འཁོར་སྙིང་པོ་ཡིན།། ཞེས་གསུངས་སོ།། དེ་ནས་ཡང
303b4 བཅོམ་ལྡན་འདས་གསང་བ་མཆོག་གི་བདག་པོ་དེས་རང་བཞིན་དོན་དམ་པའི་དཀྱིལ་འཁོར་གྱི་རྣམ་གྲངས་འདི་གསུངས་སོ།། དེ་ལ་འདི་ནི་སྤྱིར་བསྡུས་པའོ།། སེམས་ཅན་ཀུན་གྱི་སེམས་ཆེན་པོ།། རང་བཞིན་དག
303b5 པས་དྲི་མ་མེད།། ཕུང་པོ་ལྔ་དོན་སངས་རྒྱས་ལྔ།། འབྱུང་བ་ལྔ་དོན་དབྱིངས་ཕྱུག་ཡུམ།། ཁམས་དང་སྐྱེ་མཆེད་མང་པོ་ཀུན།། སེམས་དཔའ་སེམས་མའི་དཀྱིལ་འཁོར་ཡིན།། དེས་ན་སྲིད་གསུམ་དཀྱིལ་འཁོར་ཆེ།།
303b6 ཞེས་གསུངས་སོ།། དེ་ལ་ཕུང་པོ་ལྔ་སངས་རྒྱས་ལྔའི་རང་བཞིན་དུ་གསུངས་པ་ཡང་།། སྲིད་གསུམ་སེམས་ཅན་ཐམས་ཅད་ཀྱི།། རྒྱུ་དང་འབྲས་བུའི་གཟུགས་རྣམས་ཀུན།། ཆོས་ཀྱི་དབྱིངས་ལས་བྱུང་བས་ན།།
iiif viewer powered by OpenSeadragon
