| e-texts navigator |
| Wylie |
303a1 འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པའི་གློག་གི་འཁོར་ལོའི་མདོ་ལས་བྱང་ཆུབ་ཏུ་སེམས་བསྐྱེད་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་ཉིད་སྐུ
303a2 དང་གསུང་ཐུགས་རྡོ་རྗེ་ལས་དཀྱིལ་འཁོར་ཐམས་ཅད་འབྱུང་བར་བཞེད་ནས་བཙུན་མོ་དང་གཉིས་སུ་མེད་པར་འདུ་མཛད་དོ།། མངོན་པར་འདུ་མཛད་ནས་ཡང་དཀྱིལ་འཁོར་ཐམས་ཅད་འབྱུང་བ་རྡོ་རྗེའི་རྒྱན་ཞེས
303a3 བྱ་བའི་ཏིང་ངེ་འཛིན་ལ་ཞུགས་ཏེ། དཀྱིལ་འཁོར་ཐམས་ཅད་ཀྱི་མདོ་འདི་གསུངས་སོ།། འདུས་པའི་འཁོར་ཚོགས་རྣམས་ཉོན་ཅིག་གསང་སྔགས་བྱིན་བརླབས་བསམ་ཡས་ལ།། དཀྱིལ་འཁོར་བསམ་ཡས་བརྗོད
303a4 མི་ལང་།། མདོར་བསྡུས་རྣམ་པ་གསུམ་ཡིན་ཏེ། རང་བཞིན་ལྷུན་གྲུབ་དཀྱིལ་འཁོར་དང་། ཏིང་འཛིན་གསལ་བའི་དཀྱིལ་འཁོར་དང་། བཀྲི་དྲང་རྡུལ་ཚོན་དཀྱིལ་འཁོར་ཏེ།། གསུམ་པོ་དག་ཏུ་རྒྱལ་བས་གསུངས།།
303a5 ཞེས་ཆེད་དུ་གླེང་ངོ་།། དེ་ནས་སྨྲ་བའི་སེང་གེ་བྱེད་པ་པོ་ཀུན་ཏུ་བཟང་པོས་གསོལ་པ། བཅོམ་ལྡན་འདས་བདག་ཅག་རྣམས་ཀྱིས་ཆོས་ཐམས་ཅད་ནི་དཀྱིལ་འཁོར་གསུམ་དུ་བརྗོད་པར་མཐོང་ལགས་སོ།། དེ་ཡང
303a6 འདི་སྐད་ཅེས་གསོལ་པ་བཏབ་བོ།། ཨེ་མའོ་གསང་མཆོག་བདེ་བ་ཆེ།། ཡེ་ནས་ལྷུན་གྲུབ་དག་པའི་བདག། དཀྱིལ་འཁོར་ཀུན་གྱི་འབྱུང་གནས་གཙོ།། རྡོ་རྗེ་རྒྱལ་ལ་ཕྱག་འཚལ་ལོ།། ཆོས་ཀུན་ཡེ་ནས་སངས་རྒྱས
iiif viewer powered by OpenSeadragon
