| e-texts navigator |
| Wylie |
302b1 ཆུབ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་གཉིས་སུ་མེད་པར་མངོན་པར་འདུ་མཛད་དོ།། གཉིས་སུ་མེད་པར་མངོན་པར་འདུ་མཛད་པས་བྱང་ཆུབ་སེམས་ཀྱི་སྤྲིན་གྱིས་ཐམས་ཅད་རྒྱས
302b2 པར་ཁྱབ་པར་ཏིལ་འབྲུ་མར་གྱིས་ཁྱབ་པ་བཞིན་ནོ།། དེ་ནས་ཡང་འདི་གསུངས་སོ།། ཨེ་མའོ་ཡེ་ཤེས་རྣམ་དག་ཆོས།། སྣ་ཚོགས་སྣང་ཡང་རྟོག་པར་གསང་།། ངོ་བོ་ཉིད་ནི་བརྗོད་དུ་མེད།། སྣོད་མ་ཡིན་ལ་བསྟན་པ
302b3 དཀའོ།། ཨེ་མའོ་སྲིད་གསུམ་ཡེ་ནས་རྣམ་པར་དག་པའི་རང་བཞིན་ལ།། བདག་ཏུ་རྟོག་པ་སྲིད་རྩེའི་ཉེས་དམིགས་ཀྱིས།། ཡུན་རིངས་དུས་ན་འཁྱམས་པའི་འགྲོ་བ་རྣམས།། མི་མཐུན་བདེ་སྡུག་གནས་རྣམས་སོ
302b4 སོར་གཟུང་།། ལོག་རྟོག་ནོར་བའི་དབང་གིས་ཀུན་བརྟགས་ཀྱང་།། རང་བཞིན་ཉིད་ལས་མཉམ་པ་རྡུལ་ཙམ་མེད།། ཨེ་མའོ་ཡུན་རིངས་དུས་ན་རྨོངས་པའི་འགྲོ་བ་རྣམས།། ཡེ་ནས་དོན་གྱིས་སངས་རྒྱས་ཡིན་མོད
302b5 ཀྱང་།། རྨོངས་པའི་དབང་གིས་ཁོར་བའི་འཁོར་ལོར་འཁྱམས། ལོག་རྟོག་ཉིད་ལ་དངོས་མེད་བྱང་ཆུབ་སེམས།། འཁྲུལ་འཁོར་ཉིད་ཀྱང་མི་ཟད་རྒྱན་དུ་ཆེ།། སྙིགས་མ་ལྔ་ཉིད་བདེ་ལྡན་གནས་སུ་གསལ།། ཕུང་པོ་ལྔ
302b6 ཉིད་མངོན་པར་རྫོགས་པའི་སྐུ།། སྲིད་རྩེའི་ཉེས་དམིགས་ཉིད་ཀྱང་བྱང་ཆུབ་སྙིང་པོར་གནས།། ཕྱི་ནང་སྣོད་བཅུད་ཡབ་ཡུམ་དང་དུ་གསལ།། ཞེས་གསུང་པས་ཆོས་ཐམས་ཅད་བྱང་ཆུབ་སེམས་སུ་གནས་སོ།།
iiif viewer powered by OpenSeadragon
