| e-texts navigator |
| Wylie |
301b1 ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ།། ཨ་མའོ་ངོ་མཚར་ཡ་མཚན་གྱི།། སངས་རྒྱས་ཀུན་གྱི་བསང་བའི་ཐུགས།། ཆོས་ཀུན་འགག་པ་མེད་པ་ལས།། འགག་པ་འདི་ནི་རབ་ཏུ
301b2 བསྒྲགས།། འགག་དང་མི་འགག་མེད་པ་སྟེ། བྱང་ཆུབ་ཚུལ་འདི་བསྟན་པའོ།། ཞེས་གསུངས་སོ།། དེ་ནས་ཡང་ཆོས་ཐམས་ཅད་མཉམ་པ་ཉིད་ཅེས་བྱ་བའི་ཏིང་ངེ་འཛིན་ལ་ཉམས་པར་ཞུགས་ནས་བྱང་ཆུབ་ཀྱི
301b3 སེམས་འདི་གསུངས་སོ།། ཨེ་མའོ་ངོ་མཚར་ཡ་མཚན་གྱི། སངས་རྒྱས་ཀུན་གྱི་གསང་བའི་ཐུགས།། ཆོས་ཀུན་གནས་པ་མེད་པ་ལས།། གནས་པ་འདི་ནི་རབ་ཏུ་བསྒྲགས།། གནས་དང་མི་གནས་མེད་པ་སྟེ། བྱང
301b4 ཆུབ་ཚུལ་འདི་བསྟན་པའོ།། ཞེས་གསུངས་སོ།། དེ་ནས་ཡང་ཆོས་ཐམས་ཅད་སོ་སོ་ཀུན་ཏུ་རྟོག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ།། ཨེ་མའོ་ངོ་མཚར་ཡ
301b5 མཚན་གྱི། སངས་རྒྱས་ཀུན་གྱི་གསང་བའི་ཐུགས།། ཆོས་ཀུན་དམིགས་པ་མེད་པ་ལས།། དམིགས་པ་འདི་ནི་རབ་ཏུ་བསྒྲགས།། དམིགས་དང་མི་དམིགས་མེད་པ་སྟེ།། བྱང་ཆུབ་ཚུལ་འདི་བསྟན་པའོ།། ཞེས
301b6 གསུངས་སོ།། དེ་ནས་ཡང་ཆོས་ཐམས་ཅད་བྱ་བ་ལ་ནན་ཏན་དུ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ།། ཨེ་མའོ་ངོ་མཚར་ཡ་མཚན་གྱི།། སངས་རྒྱས་ཀུན
iiif viewer powered by OpenSeadragon
