| e-texts navigator |
| Wylie |
301a1 ཚོགས་རྣམས་ཀྱིས་གསོལ་པ། ལུས་དང་ངག་དང་སེམས་བདག་ཅག་རྣམས་ཀྱིས་ཇི་བལྟ་བར་བགྱི། གསང་བ་མཆོག་གི་བདག་པོས་བཀའ་སྩལ་པ། རིགས་ཀྱི་བུ་རྣམས་ལུས་དང་ངག་དང་སེམས་ཀྱི
301a2 མཚན་ཉིད་ནི་སེམས་ཀྱང་ལུས་དང་ངག་གི་རྣམ་པར་ལྟ་བུ། ངག་ཀྱང་ལུས་དང་སེམས་ཀྱི་རྣམ་པ་ལྟ་བུ། ལུས་ཀྱང་ཚིག་ཏུ་བརྗོད་པ་དང་སེམས་ཀྱི་རྣམ་པ་ལྟ་བུར་རང་རང་གི་ལུས་དང་སེམས་རྟོགས་ཤིག། འོན་ཏང
301a3 བྱང་ཆུབ་དུ་སེམས་བསྐྱེད་པར་འགྱུར་རོ།། དེ་ནས་ཡང་གསང་བ་མཆོག་གི་བདག་པོ་དེས་སྟོང་པ་ཉིད་ཀྱི་ཏིང་ངེ་འཛིན་ཞེས་བྱ་བ་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ།། ཨེ་མའོ་དངོས་པོ
301a4 ཐམས་དང་བྲལ་བ།། ཕུང་པོ་ཁམས་དང་སྐྱེ་མཆེད་དང་།། གཟུང་དང་འཛིན་པ་རྣམ་པར་སྤང་།། ཆོས་བདག་མེད་པ་མཉམ་ཉིད་པས།། རང་སེམས་གདོད་ནས་མ་སྐྱེས་པ།། སྟོང་པ་ཉིད་ཀྱི་རང་བཞིན་ནོ།། ཞེས
301a5 གསུངས་སོ།། དེ་ནས་ཡང་ཆོས་ཀྱི་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ།། ཨེ་མའོ་ངོ་མཚར་ཡ་མཚན་གྱི།། སངས་རྒྱས་ཀུན་གྱི་གསང
301a6 བའི་ཐུགས།། ཆོས་ཀུན་སྐྱེ་བ་མེད་པ་ལས།། སྐྱེ་བ་འདི་ནི་རབ་གྲགས་པ། སྐྱེ་དང་མི་སྐྱེ་གཉིས་མེད་པ།། བྱང་ཆུབ་སེམས་འདི་བསྟན་པའོ།། ཞེས་གསུངས་སོ།། དེ་ནས་ཡང་མེ་ལོང་ལྟ་བུ་གསལ་བ་ཞེས་བྱ་བའི་ཏིང
iiif viewer powered by OpenSeadragon
