| e-texts navigator |
| Wylie |
300a1 ཉིད་ཀྱིས་རབ་ཏུ་མཆོད་དེ་ཀུན་ཏུ་རབ་ཏུ་མཆོད་ནས་གཙུག་གི་འདུད་པ་ཕྱག་རྣལ་འབྱོར་གྱི་ལུགས་སུ་བྱས་ཏེ་འདི་སྐད་ཅེས་གསོལ་པ་བཏབ་བོ།། ཨ་མའོ་བདེར་གཤེགས་ཀུན་དུ་བཟང་། ཨེ་མའོ་ཡེ
300a2 ནས་དག་པའི་དོན། ཨེ་མའོ་གསང་བ་མཆོག་གི་བདག། ཨེ་མའོ་ཡེ་ཤེས་རྔམ་པའི་གློག། ཨེ་མའོ་གཉིས་མེད་དགྱེས་ཆེན་པོ། ཨེ་མའོ་བདེ་བ་བདེ་ཆེན་མཆོག། ཨེ་མའོ་རྣམ་དག་དཔལ་ཁྱོད་ལ། ཨེ་མའོ་བདག
300a3 ཅག་གསོལ་བ་འདེབས།། བྱང་ཆུབ་སེམས་འདི་ཇི་ལྟར་སྐྱེད།། དཀྱིལ་འཁོར་རྣམས་ནི་ཇི་ལྟར་ལགས།། ཕྱག་རྒྱ་རྣམས་ཀྱི་མཚན་ཉིད་ཅི། བསྙེན་སྒྲུབ་རྣམ་བཞི་ཇི་ལྟར་ལགས།། དངོས་གྲུབ་སྒྲུབ་པའི་རྣམ་གྲངས་ཅི།།
300a4 སྔགས་ཀྱི་སྡོམ་པ་ཇི་ལྟར་བསྲུང་།། རྣལ་འབྱོར་བརྟུལ་ཞུགས་ཇི་ལྟར་སྤྱད།། དྲེགས་པའི་ཚོགས་ནི་ཇི་ལྟར་གདུལ།། རྣམ་བཞིའི་ལས་ནི་ཇི་ལྟར་བགྱི།། བརྣག་པའི་ནན་ཏུར་ཇི་ལྟར་བགྱི།། རྣལ་འབྱོར་རྣམས་ལ་བརྩེ
300a5 བབ་དང་།། བདག་ཅག་རྣམས་ལ་སྨན་སླད་དུ།། བཅོམ་ལྡན་སྙིང་པོས་བཤད་དུ་གསོལ། ཨ་ལ་ལ་ཧོ་ཞེས་གསོལ་བ་ལས་བཅོམ་ལྡན་འདས་གསང་བ་མཆོག་གི་བདག་པོས་གསོལ་བ་བཏབ་པ་ཐུགས་སུ་ཆུད་ནས
300a6 འདི་སྐད་ཅེས་བཀའ་སྩལ་ཏོ།། སྨྲ་བའི་སེང་གེ་གསང་སྔགས་མདོའི་དོན་རྣམས་ཕྱི་རབས་ཀྱི་རྣལ་འབྱོར་པ་ལ་ཕན་གདགས་པ་དང་། དད་པ་ཅན་གྱི་འགྲོ་བ་རྣམས་ཡིད་ཆེས་པར་བྱ་བའི་ཕྱིར་ང་ལ་ཞུ་བ་ལེགས་སོ།།
iiif viewer powered by OpenSeadragon
