| e-texts navigator |
| Wylie |
299a1 ནི་སྐྱེས་པོ་གཉིད་ལོག་པའི་ཚེ་བདེ་སྡུག་གི་རྣམ་པ་མང་པོ་རྨིས་ཀྱང་སངས་ནས་ཅི་ཡང་དམིགས་སུ་མེད་དོ།། དེ་བཞིན་དུ་གསང་སྔགས་ཀྱི་སྤྱོད་པ་ཡང་ཇི་ལྟར་སྤྱད་ན་ཡང་སྤྱད་པའི་དམིགས་པ་ཀུན
299a2 དང་བྲལ་ལོ།། གཟུགས་བརྙན་ཞེས་པའི་མཚན་ཉིད་ཀྱང་ཆུའམ་མེ་ལོང་ངམ་འབྲུ་མར་ལ་བརྟེན་ནས་བཞིན་གྱི་གཟུགས་སུ་སྣང་ཡང་བཞིན་དེ་ཉིད་དུ་འཕོས་པ་མེད་དོ།། དེ་བཞིན་དུ་གསང་སྔགས་ཀྱི་དངོས་གྲུབ
299a3 ཀྱང་བསྒྲུབ་པ་དང་། ཏིང་ངེ་འཛིན་དང་། ཡོ་བྱད་ལ་བརྟེན་ནས་འབྱུང་ཡང་དམིགས་པ་དང་བྲལ་ལོ།། དྲི་ཟའི་གྲོང་ཁྱེར་ཞེས་བྱ་བའི་མཚན་ཉིད་ནི་བར་སྣང་ན་དྲི་ཟ་གང་ན་གནས་པ་དེར་གྲོང་ཁྱེར་ཡང་དེ་ན་གནས
299a4 ཏེ་དེ་བྱུང་མ་ཟག་ཏུ་རྟག་པ་མ་ཡིན་པ་དང་གསང་སྔགས་ཀྱི་གནས་ཀྱང་རྣལ་འབྱོར་པ་བདག་ཉིད་ཀྱིས་ཀྱང་བསྐྱེད་པར་འབྱུང་ལ།། དེ་ཡང་ཐེར་ཟུག་མ་ཡིན་ནོ།། བྲག་ཅ་ཞེས་བྱ་བའི་མཚན་ཉིད་ནི་བྲག་གི་ངོས་ལ
299a5 སྒྲ་ཇི་སྐད་རྐྱེན་པ་སྐད་བྲག་ཅ་ལ་ཡང་དེ་བཞིན་དུ་འབྱུང་ངོ་།། འབྱུང་ཡང་སྒྲར་མི་དམིགས་པ་དེ་བཞིན་དུ་གསང་སྔགས་བཟླས་པའི་སྒྲ་ཡང་བཟླས་པ་ཙམ་ཉིད་ན་སྟོང་པའོ།། ཆུ་ཟླ་ཞེས་བྱ་བའི་མཚན་ཉིད་ནི་ཟླ་བའི
299a6 གཟུགས་བརྙན་ཆུའི་ནང་དུ་སྣང་ཡང་ཆུ་ལ་ཟླ་བ་མེད་དོ།། དེ་བཞིན་དུ་ཕྱག་རྒྱའི་དཀྱིལ་འཁོར་ལ་ཡང་གཟུང་འཛིན་གྱི་རྟོག་པ་མེད་དོ།། ཆུའི་ཆུ་བུར་ཞེས་བྱ་བའི་མཚན་ཉིད་ནི་ཆུའི་རླབས་ཆེན་གཅིག་ལས་ཆུ་བུར
iiif viewer powered by OpenSeadragon
