| e-texts navigator |
| Wylie |
297a1 གི་བདག་པོ་སྨྲ་བའི་སེང་གེས་གསོལ་བ་བཏབ་པ་ཡང་མཁྱེན། འདུས་པའི་འཁོར་ཚོགས་རྣམས་ཀྱི་སེམས་ཀྱི་རྟོག་པ་ཡང་མཁྱེན་པ་དང་། ཚིག་གི་རྗེས་སུ་འབྲང་བའི་རྣལ་འབྱོར་ཡང་ཐུགས་སུ་ཆུད
297a2 ནས་རྣམ་པར་ཐར་པའི་སྒོ་གསུམ་ཕྱུང་སྟེ། ཡེ་ཤེས་ཀྱི་རྡོ་རྗེ་རྩེ་དགུ་པ་ཡང་ནས་ཡང་དུ་གསོལ་ཞིང་རྨད་དུ་བྱུང་བའི་ཆོས་སྤྱི་སྒྲ་ཆེན་པོ་རབ་ཏུ་བསྒྲགས་སོ།། ཨོཾ་ཨཱཿཧཱུཾ་སྭཱ་ཧཱ། བོ་དྷི་ཙིཏྟ་གུ་ཧྱ་ས་མ་ཡ། འདི་ནི
297a3 གསུངས་མ་ཐག་ཏུ་ཡང་།། སངས་རྒྱས་གྲགས་པ་ཆེན་པོ་ཀུན།། རབ་ཏུ་སྤངས་ཏེ་བརྒྱལ་བར་གྱུར།། འཁོར་ཚོགས་གཞན་མ་སྨོས་ཅི་དགོས། དེ་ནས་གསང་བ་མཆོག་གི་བདག་པོས་འདི་སྐད་ཅེས་བཀའ་སྩལ་ཏོ།།
297a4 རིགས་ཀྱི་བུ་རྣམས་ཉོན་ཅིག་གང་ཚིག་གིས་བརྗོད་དུ་རུང་བ་ཐམས་ཅད་ནི་ཀུན་རྫོབ་ཀྱི་བདེན་པའོ།། ཇི་སྲིད་བརྗོད་དུ་རུང་བ་མ་ཡིན་པའི་ཆོས་གང་ཡིན་པ་དེ་ནི་དོན་དམ་པའི་བདེན་པའོ།། གང་ཞིག་དང་ཡི་གེ།
297a5 ལས་འདས་པ་གང་ཡིན་པ་དེ་ནི་ཆོས་ཀྱི་སྐུའོ།། གང་ཚིག་དང་ཡི་གེས་བརྗོད་དུ་རུང་བ་ཐམས་ཅད་ནི་གཟུགས་ཀྱི་སྐུའོ།། རིགས་ཀྱི་བུ་སྔགས་ཀྱི་ལྟ་བ་དང་སྤྱོད་པ་ཡང་དེ་ཉིད་ཡིན་ཏེ། གང་དོན་དམ་པའི་བདེན་པ
297a6 དང་། ཆོས་ཀྱི་སྐུ་གང་ཡིན་པ་དེ་ནི་སྔགས་ཀྱི་ལྟ་བ་ཡིན་པར་ཤེས་པར་བྱའོ།། དེ་ཉིད་ཀྱི་རྒྱུའི་ཚུལ་དུ་གནས་པ་ལས། འབྲས་བུའི་ཚུལ་དུ་ཀུན་རྫོབ་ཀྱི་བདེན་པ་དང་། གཟུགས་ཀྱི་སྐུར་སྣང་སྟེ། ཇི་ལྟར་སྤྱད་པ་དང
iiif viewer powered by OpenSeadragon
