| e-texts navigator |
| Wylie |
296b1 ཚིག་གི་རྣལ་འབྱོར་པ་རྣམས་ཚིག་གི་ཕྱིར་འབྲང་བའི་ཕྱིར་དོན་རྟོགས་པའི་བཀྲི་བའི་ཕྱིར་རྒྱལ་བ་རྣམས་ཀྱི་ཚིག་གི་སྒོ་ནས་གསུང་པ་ཡིན་ནོ།། འདུས་པའི་འཁོར་ཚོགས་རྣམས་ཀྱིས་གསོལ་པ། སྨྲ་བའི་སེང་གེ་དེ
296b2 ལྟར་ན་བདག་ཅག་དང་མ་འོངས་པའི་རྣལ་འབྱོར་པའི་ཚིག་གི་རྗེས་སུ་འབྲང་བ་རྣམས་ཀྱི་དོན་དུ། རྡོ་རྗེ་ཚིག་གི་ལམ་དུ་བརྗོད་པས་དོན་གསལ་བར་བྱེད་པ་དེ་སྨྲ་བའི་སེང་གེ་ལས་ཀྱི་བཀའ་བ་ཁྱོད་ཉིད་ཀྱིས་ཞུ་བར
296b3 སྤོབས་ཤིག་སྨྲ་བའི་སེང་གེ་དབང་བས་ན་བཅོམ་ལྡན་འདས་གསང་བ་མཆོག་གི་བདག་པོ་ལ་ཞུས་ཤིག་དང་། དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདུས་པའི་འཁོར་ཚོགས་རྣམས་ཀྱི་རྣམ་པར
296b4 རྟོག་པ་མཁྱེན་ནས་བཅོམ་ལྡན་འདས་གསང་བ་མཆོག་གི་བདག་པོ་ལ་ལན་སྟོང་དུ་བསྐོར་བར་བྱས་ཏེ་རྨད་དུ་བྱུང་བའི་མཆོད་པར་རྒྱས་པ་དེ་ཁོ་ན་ཉིད་ཀྱིས་མཆོད་ནས་འདི་སྐད་དུ་གསོལ་པ་བཏབ་བོ།། ཨེ་མ་ཧོ
296b5 སྟོན་པའི་ངོ་མཚར་ཁྱོད།། ཕྱོགས་བཅུའི་སངས་རྒྱས་ཐམས་ཅད་ཀྱི། བྱང་ཆུབ་སེམས་ཀྱི་མཚན་ཉིད་དེ།། ཚིག་ཏུ་བརྗོད་པ་མ་ལགས་ནའང་། མཚན་མའི་རྗེས་འབྲང་རྣལ་འབྱོར་པ།། དོན་ལ་རྩིང་ལ་ཚིག་ལ་ཞིབ།།
296b6 ཚིག་གིས་བསམ་པར་རངས་བྱའི་ཕྱིར།། སྙིང་པོ་བྱང་ཆུབ་དོན་འདི་ལ། དཔེས་མཚོན་ཚིག་གི་ལྡེ་མིག་གིས།། གསང་བ་དེ་ཉིད་བཤད་དུ་གསོལ། ཞེས་གསོལ་བ་བཏབ་པ་ལས་བཅོམ་ལྡན་འདས་གསང་བ་མཆོག
iiif viewer powered by OpenSeadragon
