| e-texts navigator |
| Wylie |
296a1 བཟང་པོ་ཁྱོད་ནི་སངས་རྒྱས་ཐམ་ཅད་ཀྱི་ཡབ་བྱང་ཆུབ་སེམས་དཔའ་ཐམས་ཅད་ཀྱི་རྗེ་བཙན། རྣལ་འབྱོར་པ་ཐམས་ཅད་ཀྱི་ལྷ་ཕུད།། ཆོས་ཐམས་ཅད་ཀྱི་མཛོད་ལགས་ན།། བཅོམ་ལྡན་འདས
296a2 གསང་བ་མཆོག་གི་བདག་པོས་བདག་ཅག་འཁོར་གྱི་དཀྱིལ་འཁོར་འདིར། གསང་བའི་ཚིག་ལམ་གྱིས་སྟོན་པར་མི་སྣང་བའི་རྒྱུ་དང་རྐྱེན་བདག་ཅག་རྣམས་ལ་བསྟན་དུ་གསོལ། སྨྲ་བའི་སེང་གེ་ལེགས་པར་བསྟན
296a3 དུ་གསོལ་ཞེས་ཞུས་པ་དང་། སྨྲ་བའི་སེང་གེས་བཀའ་སྩལ་པ།། ཨོཾ་ཨཱཿཧཱུཾ་ཨ་ལ་ལ་ཧོ།། རྒྱལ་བའི་སྲས་པོ་ཅང་མི་གསུང་།། མི་གསུང་བ་ཉིད་རྒྱ་ཅེར་བཤད།། བཤད་དུ་མེད་པའི་དོན་དེ་ནི།། རྒྱལ་བ་རྣམས་ཀྱིས་མ
296a4 བཤད་དེ།། དེ་ལྟར་སྟོན་པ་རྒྱལ་མཆོག་ཀྱང་།། རྣམ་པར་བརྗོད་པར་མི་མཛད་དེ།། བཀའ་མི་སྩལ་བར་དགོངས་པའོ།། འདུས་པའི་འཁོར་རྣམས་ཉོན་ཅིག། དེ་བས་ན་གསང་བ་དོན་དམ་པའི་བྱང་ཆུབ་ཀྱི་སྙིང་པོ་དེ
296a5 སྨྲ་བསམ་ལས་འདས་ཞིང་བརྗོད་དུ་མེད་པས་དེ་ལ་ཚིག་ཏུ་སྨྲ་བ་ལེགས་པར་མ་ཡིན་ཏེ། ཚིག་ཏུ་སྨོས་པའི་དུས་ཉིད་ན་གོལ་བ་ཡིན་པར་ཕྱོགས་བཅུ་དུས་བཞིའི་རྒྱལ་བ་རྣམས་ཀྱིས་ཀྱང་བཤད་དེ། ད་ལྟར་སྟོན་པ
296a6 ཉིད་ཀྱང་དོན་དེ་ཉིད་དགོངས་ནས་མ་གསུངས་སོ།། འདུས་པའི་འཁོར་ཚོགས་རྣམས་དེ་བས་ན་མ་སྐྱེས་པའི་སྙིང་པོ་བྱང་ཆུབ་སེམས་ཚིག་ཏུ་སྤྲོས་པ་དང་བྲལ་གྱིས་ཀྱང་ཀུན་རྫོབ་ཀྱི་བདེན་པའི་དབང་དུ་མཚན་མའི
iiif viewer powered by OpenSeadragon
