| e-texts navigator |
| Wylie |
295b1 དེས་བཅོམ་ལྡན་འདས་གསང་བ་མཆོག་གི་བདག་པོ་ལ་གཙུགས་གིས་འདུད་ཕྱག་རྣལ་འབྱོར་གྱི་ལུགས་སུ་བྱས་ཏེ་ཕྱི་དང་། ནང་དང་། གསང་བ་མཆོད་པ་དེ་ཁོ་ན་ཉིད་ཀྱིས་མཆོད་དེ་གསོལ་བ་བཏབ་བོ།། འདི
295b2 ལྟར་རྨད་བྱུང་ངོ་མཚར་ཁྱོད།། སངས་རྒྱས་ཡབ་གྱུར་རྒྱལ་བའི་སྲས།། ཡ་མཚན་ཆེན་པོ་སྟོན་པར་སྤྱོད།། བཀའ་ཡི་འཁོར་ལོ་དམ་པ་དེ།། སྒྲ་བརྗོད་ཡུལ་ལས་རབ་འདས་ཀྱང་།། ངག་གི་ལམ་ནས་རབ་བརྗོད་ཅིང་།།
295b3 དཔེས་མཚོན་ཚིག་གི་ལྡེ་མིག་གིས།། གསལ་བར་མཚོན་ཏེ་གོ་བར་མཛོད།། ཨ་ལ་ལ་ཧོ་ཞེས་གསོལ་བ་བཏབ་བོ།། དེ་ནས་གསང་བ་མཆོག་གི་བདག་པོ་དེས་གསོལ་བ་བཏབ་པར་མཁྱེན་ནས་བརྗོད་དུ་མེད་པའི
295b4 ཏིང་ངེ་འཛིན་ལ་སྙོམས་པར་ཞུགས་ནས་ཅང་མི་གསུང་བར་བཞུགས་སོ།། དེ་ནས་འདུས་པའི་འཁོར་ཚོགས་ཀྱིས་སྨྲ་བའི་སེང་གེ་བྱེད་པ་པོ་ཀུན་དུ་བཟང་པོ་དེ་ལ་ལུགས་སུ་བཏུད་དེ་བརྐྱང་ཕྱག་བཙལ་ནས་རྨད་དུ
295b5 བྱུང་བའི་མཆོད་པ་སྣ་ཚོགས་བྱས་ནས་གསོལ་བ་བཏབ་པ། སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོ་ཁྱོད་ལ་བདག་ཅག་ཞུ་བར་སྤོབས་ན་གནང་བའི་སྐབས་དབྱེ་བར་གསོལ། སྨྲ་བའི་སེང་གེ་ཀུན་ཏུ་བཟང
295b6 པོས་བཀའ་སྩལ་པ། འདུས་པའི་འཁོར་ཚོགས་ཁྱོད་ཅི་དང་ཅི་འདོད་པ་བདག་ལ་ཞུས་ཤིག་བདག་གིས་གནང་བའི་སྐབས་དབྱེའོ།། འདུས་པའི་འཁོར་རྣམས་ཀྱིས་གསོལ་པ། སྨྲ་བའི་སེང་གེ་བྱེད་པ་པོ་དང་ཀུན་དུ
iiif viewer powered by OpenSeadragon
