| e-texts navigator |
| Wylie |
294b1 དེས་སྐུ་གསུང་ཐུགས་གཉིས་སུ་མེད་པའི་སྒོ་ནས་འཁོར་རྣམ་པར་སྦྱོར་བའི་རྡོ་རྗེའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།། བྱེད་པ་པོ་རྡོ་རྗེ་ཀུན་དུ་བཟང་པོ་ལ་གཟིགས་ནས་ཞལ་འཛུམ་པར
294b2 མཛད་དོ།། དེ་ནས་བྱེད་པ་པོ་རྡོ་རྗེ་ཀུན་ཏུ་བཟང་པོ་དེས་བསྐུལ་བར་རྣམ་པར་རིག་ནས་བཙུན་མོ་བྱ་བ་མོ་ཀུན་ཏུ་བཟང་མོ་དང་ཉིས་སུ་མེད་པར་སྦྱོར་ཞིང་རང་གི་སྟན་ལས་རྣམ་པར་ལངས་ཏེ་བྱང་ཆུབ་སེམས་ཀྱི
294b3 མཚན་མ་གནས་ལྔར་བཏབ་ནས་ལྕེ་པདྨོའི་སྟེང་དུ་ལས་ཀྱི་རྡོ་རྗེ་བཞག་སྟེ། བརྐྱང་ཕྱག་བཙལ་ནས་མི་འཇིགས་པའི་ལྟ་བས་སྟོན་པའི་ཞལ་དུ་བལྟས་ནས་དོན་བསྡུ་བར་གསོལ་བ་བཏབ་པ། གསང་བ་པའི་བདག་པོ
294b4 ཡབ་ཡུམ་དགོངས་སུ་གསོལ།། འདུས་པའི་འཁོར་ཚོགས་མང་པོ་དགོངས་སུ་གསོལ།། གསང་མཛོད་ཡེ་ཤེས་གློག་གི་འཁོར་ལོ་འདི།། ཆོས་ཀྱི་རྒྱལ་པོ་ཆེན་པོས་བཤད་དུ་གསོལ།། ཞེས་གསོལ་བ་བཏབ་པས
294b5 གསང་བ་མཆོག་གི་བདག་པོས་བྱེད་པ་པོ་ཀུན་ཏུ་བཟང་པོ་རྡོ་རྗེ་ལས་ཀྱི་བཀའ་བར་བྱིན་གྱིས་བརླབས་པའི་ཕྱིར་ཐུགས་གསང་བའི་མཁའ་ལས་བྱང་ཆུབ་སེམས་སྤྲིན་སྤྲོས་པ་ལས་ལས་ཀྱི་འཁོར་ལོ་རྡོ་རྗེ་རྒྱ་གྲམ
294b6 གཅིག་ལག་ཏུ་བཞག་སྟེ། ལས་ཀྱི་དབང་བསྐུར་ནས་མིང་ཡང་ལས་ཀྱི་སེམས་དཔའ་བྱེད་པ་པོ་ཀུན་དུ་བཟང་པོར་བཏགས་ཏེ་ལས་ཀྱི་དབང་ཐོབ་པར་གྱུར་ཏོ།། ཆོས་ཀྱི་འཁོར་ལོ་པདྨ་འདབ་མ་བརྒྱད་པ་ལྕེ་སྟེངས
iiif viewer powered by OpenSeadragon
