| e-texts navigator |
| Wylie |
294a1 གི་དབང་ཕྲོགས་ནས་སངས་རྒྱས་ཀྱི་བསྟན་པ་འདི་ལ་དད་པར་གྱུར་ནས་འདུས་རབ་ཏུ་འདུས་སོ།། དེའི་ཚེ་ན་བྱང་ཆུབ་སེམས་ཀྱི་འོད་ཟེར་ཀུན་ཏུ་ཁྱབ་པ་དེས་འདུ་ཤེས་མེད་པ་དག་འགོག་པ་ལ
294a2 གནས་པའི་མིར་ལྷུང་བ་རྣམས་ས་བོན་མེས་ཚིག་པ་དང་འདྲ་བ་དེ་ཡང་དྲི་མ་མེད་པའི་བྱང་ཆུབ་སེམས་རིན་པོ་ཆེའི་ཆུ་དེས་དབང་བསྐུར་བས་བྱང་ཆུབ་སེམས་ཀྱི་དབང་ཐོབ་སྟེ་འགྲོ་བའི་དོན་བྱེད་པར་གྱུར་ཏོ།།
294a3 གཞན་ཡང་སའི་ཁྱད་པར་ལ་གནས་པ་རྣམས་ཀྱང་རང་རང་གི་ས་ལ་སྐྱོ་སེམས་སྐྱེས་ཏེ་ལས་ཀྱི་ཚེ་བཀག་ནས་སངས་རྒྱས་ཀྱི་བསྟན་པ་འདི་ལ་རབ་ཏུ་དད་དོ།། དེ་ནས་འདུས་པའི་འཁོར་ཚོགས་རྣམས་ངོ་མཚར་དུ
294a4 གྱུར་རྨད་དུ་གྱུར་ཏེ་འདུས་ནས་ཤིན་ཏུ་སྐྲག་ཏེ་གསོལ་བ་བཏབ་པ། ཨེ་མའོ་ཨེ་མའོ་ཡ་མཚན་ཆེ། གཉིས་མེད་རོལ་པ་ཡ་མཚན་ཆེ། འོད་ཟེར་འཕྲོ་འདུ་ཡ་མཚན་ཆེ། བྱང་ཆུབ་ཆར་སྤྲིན་ཡ་མཚན་ཆེ། སངས་རྒྱས
294a5 འབྱུང་བ་ཡ་མཚན་ཆེ།། སྤྲུལ་པ་འབྱུང་བ་ཡ་མཚན་ཆེ། ཁྲོ་བོ་འབྱུང་བ་ཡ་མཚན་ཅེ།། བྱིན་བརླབས་ཆོ་འཕྲུལ་ཡ་མཚན་ཆེ།། དགོན་གདུངས་སྤངས་པ་ཡ་མཚན་ཆེ།། འགོག་པ་གསོས་པ་ཡ་མཚན་ཆེ།། བདག་ཅག
294a6 འཁོར་ཚོགས་འདུས་པ་རྣམས།། དམ་ཚིག་ཅན་དུ་བྱིན་བརླབས་མཛོད།། བླ་འོག་རིམ་པ་ཇི་བཞིན་དུ།། རྡོ་རྗེ་གསང་བའི་གྲལ་དུ་འཁོད།། ཅེས་གསོལ་བ་བཏབ་པས་བཅོམ་ལྡན་འདས་གསང་བ་མཆོག་གི་བདག་པོ
iiif viewer powered by OpenSeadragon
