| e-texts navigator |
| Wylie |
293a1 གར་མཛད་པ་དང་། ཞལ་འཛུམ་པ་དང་། འདོར་བ་དང་། སྐུམ་པ་དང་། འགྱིང་བ་དང་། སྤྱན་མཛེས་པའི་སྨིན་རིང་བསྐྱོད་ཅིང་སྦྱར་བ་དང་། དུང་གི་ཕུར་བས་གཡན་པ་སློང་བ་དང་། འདོར་ཞིང་སྐུམ
293a2 པ་དང་། འཇོག་ཅིང་འདེག་པ་དང་། རྣམ་པར་འདོར་བའི་རོལ་པའི་གར་གྱིས་ནམ་མཁའི་ཁམས་ཀུན་ཏུ་ཁྱབ་པར་མཛད་དོ།། རྣམ་པར་རོལ་པ་དེས་འབྱུང་བ་དང་། འབྱུང་བ་ལས་གྱུར་པ་ཐམས་ཅད་ལ་ཁྱབ་པར
293a3 མཛད་དོ།། དེས་སེམས་དང་སེམས་ལས་བྱུང་བ་ཀུན་ལ་ཁྱབ་པར་མཛད་པས་བཅོམ་ལྡན་འདས་ཀྱི་བྱང་ཆུབ་ཀྱི་སེམས་ཞི་ཞིང་འཁྱིལ་བས་རོལ་པའི་ཆེར་མངོན་པར་ཕབ་པས་སྣོད་ཀྱི་ཁམས་དང་། བཅུད་ཀྱི་ཁམས
293a4 དང་། བསམ་གཏན་པ་དང་། འགོག་པ་པ་དང་། སའི་ཁྱད་པར་ཐམས་ཅད་དང་། བྱང་ཆུབ་ཀྱིས་རོལ་པ་སྣ་ཚོགས་སྒེག་པ་དང་། སྟེག་པ་དང་། སྦྱོར་བ་དང་། འཁྱུད་པ་དང་། སྡོམ་པ་དང་། བསྟིམ་པ་དང་། མཉེས
293a5 པ་དང་། གསོལ་བ་དང་། མྱང་བ་དང་། བཅའ་བ་དང་། བདེ་བ་དང་། སྤྲོད་པ་དང་། འཇོག་པ་ལ་སོགས་པ་བཅོམ་ལྡན་འདས་ཀུན་དུ་བཟང་པོའི་རྡོ་རྗེ་འཛིན་ཀྱིས་ཀུན་ཏུ་རྒྱས་པར་བྱས་ཏེ་ཡང་དག་པར་གནས་སོ།།
293a6 དེ་ནས་དེའི་ཚེ་ཐུགས་རྣམ་པར་དག་པའི་མཁའ་ཀློང་ནས་རིག་པ་བྱང་ཆུབ་ཀྱི་སེམས་ཀྱི་འོད་ཟེར་བརྗོད་ཀྱིས་མི་ལང་བ་འབྱམ་ཀླས་ཤར་བ་དེ་ལས་གསུང་གི་ཡིག་འབྲུ་འཁོར་ལོའི་ཚོགས་སུ་ཡང་སྣང་ངོ་།། ཡིག
iiif viewer powered by OpenSeadragon
