| e-texts navigator |
| Wylie |
292b1 པ་ནམ་མཁའ་དང་བ་ལ་ཤར་བ་བཞིན་ནོ།། རྡོ་རྗེའི་སྐུ་དེ་ལས་རིག་པའི་ཆོ་འཕྲུལ་གྱི་འོད་ཟེར་རྣམ་པར་འཕྲོ་བ་ནི་དཔེར་ན་ཉི་འོད་ཀྱི་འོད་ཟེར་དུས་གཅིག་ཤར་བ་ལྟ་བུའོ།། དེ་ནས་བཅོམ་ལྡན་འདས་གསང་བ
292b2 མཆོག་གི་བདག་པོ་དེས་ཏིང་ངེ་འཛིན་ལས་ལངས་ནས་འདོད་ཆགས་ཆེན་པོའི་ཚུལ་རྡོ་རྗེ་རྣམ་པར་བསྒྱིངས་པ་ཞེས་བྱ་བའི་རིང་ངེ་འཛིན་ལ་སྙོམས་པར་ཞུགས་ཏེ་ཞུགས་ནས་ཀྱང་ཡུམ་ཀྲོ་དྷིའི་རྒྱལ་མོ་ལ་གཟིགས་ཏེ
292b3 འཛུམ་པ་རྣམ་པར་མཛད་དོ།། དེ་ནས་ཡུམ་ཀྲོ་དྷིའི་རྒྱལ་མོས་ཀྱང་སྤྱན་ཟིམ་བག་གི་ཚུལ་གྱིས་གཟིགས་ནས་ལན་སྟོང་དུ་བརྐྱང་ཕྱག་བཙལ་ཏེ་གཡོན་པ་སློང་བ་གླུ་འདིས་རྣམ་པར་བསྐུལ་ལོ།། ཨེ་མའོ་ཡིད་བཞིན
292b4 སྐུ་མཆོག་ཚོགས་ཆེན་མངོན་རྫོགས་ལྷ།། རྡོ་རྗེ་གར་གྱི་ཚུལ་གྱིས་གར་མཛད་ཅིང་།། དགའ་མཆོག་རྡོ་རྗེའི་བྱང་ཆུབ་སེམས་ཆེན་དེ། འཛུམ་ཞིང་འཁྱིལ་བའི་པདྨའི་གནས་སུ་ཕབ་ཧོ།། ཨེ་མའོ།། དཀར་ལ་འཚེར
292b5 བའི་བྱང་ཆུབ་སེམས་སྤྲིན་དང་།། ཆགས་པ་དམར་པོ་དབང་གི་རང་བཞིན་དུ།། གཉིས་མེད་འཕྲོས་པའི་བྱིན་བརླབས་བསམ་ཡས་ལས།། ཡེ་ཤེས་ལྷ་ཚོགས་སྦྲུལ་སྐུ་བསམ་ཡས་འཐོན།། མ་རིག་མུན་པ་སྤོངས་པས
292b6 དོན་གྱིས་ཕྱེ།། དགོན་གདུངས་གནས་ནས་བྱང་ཆུབ་མྱུ་གུ་སྐྱེད།། ཞི་བ་འགོག་པའི་ས་ལམ་རྣམ་པར་སློང་།། ཞེས་རྣམ་པར་བསྐུལ་བས་གཉིས་སུ་མེད་པའི་རྣམ་པར་རོལ་པས་རོལ་ཞིང་བརྗིད་པ་དང་བཅས་ནས
iiif viewer powered by OpenSeadragon
