| e-texts navigator |
| Wylie |
292a1 དཀྱིལ་འཁོར་ཀུན་དུ་ཁྱབ་པར་མཛད་དོ།། འཁོར་གྱི་དཀྱིལ་འཁོར་ཀུན་དུ་ཁྱབ་པར་མཛད་ནས་ཡང་སྣོད་ཀྱི་ཁམས་ཀུན་ཁྱབ་པར་མཛད་ནས་ཡང་བཅུད་ཀྱི་ཁམས་ཀུན་ལ་ཁྱབ་པར་མཛད་དོ།། བཅུད་ཀྱི
292a2 ཁམས་ཀུན་ལ་ཁྱབ་པར་མཛད་ནས་སའི་ཁམས་ཀུན་ལ་ཁྱབ་པར་མཛད་དོ།། དཔེར་ན་ཉི་མ་བར་སྣང་ལ་ཤར་བའི་འོད་ཀུན་ལ་སྙོམས་པ་བཞིན་དུ་རིག་པའི་ཉི་མ་སྙིང་རྗེས་བྱང་ཆུབ་ཀྱི་སེམས་ཀྱིས་ཀྱང་སྟོང་ཉིད
292a3 ཀྱི་ངང་ཀུན་ལ་སྙོམས་པར་ཁྱབ་བདལ་ཏོ།། དེའི་ཚེ་གསང་བ་མཆོག་གི་བདག་པོ་དེ་ཉིད་ཡང་ཏིང་ངེ་འཛིན་ལས་ལངས་ནས་སྙིང་རྗེ་ནམ་མཁའི་ངོ་བོ་ཀུན་དུ་སྣང་བར་ཞེས་བྱ་བའི་ཏིང་ངེ་འཛིན་ལ་སྙོམས་པར
292a4 ཞུགས་སོ།། ཞུགས་མ་ཐག་ཏུ་སྙིང་རྗེས་ཀུན་ལ་ཁྱབ་པར་གྱུར་པ་ནི་ཏིང་ངེ་འཛིན་དེའི་མཐུ་ཡིན་ནོ།། དེ་ནས་ཡུམ་ཀུན་དུ་བཟང་མོ་རྔམ་པ་ཀྲོ་དྷིའི་རྒྱལ་མོས་ཡང་གླུ་འདིས་བསྐུལ་ལོ།། མ་ལྟར་བྱམས་པའི་ཐུགས
292a5 རྗེས་ཀུན་དུ་ཁྱབ།། མཐའ་ལྟར་གོ་འབྱེད་ཆོ་འཕྲུལ་འབྱུང་གནས་ལས།། ལོངས་སྤྱོད་རྫོགས་དང་ཐུགས་རྗེ་སྤྲུལ་པའི་སྐུ། འབར་བའི་སྐུ་མཆོག་བདག་ལ་བསྟན་དུ་གསོལ། ཨ་ལ་ལ་ཧོ་ཞེས་གསོལ་བ་བཏབ་པས
292a6 བཅོམ་ལྡན་འདས་གསང་བ་མཆོག་གི་བདག་པོ་དེས་ཆོས་ཐམས་ཅད་དོན་དམ་པ་བྱང་ཆུབ་སེམས་ལ་ཤར་བར་མཁྱེན་ནས་མི་དམིགས་ནམ་མཁའི་དབྱིངས་ནས་རྡོ་རྗེའི་མངོན་དུ་ཕྱུང་སྟེ། དཔེར་ན་ཟླ་བ་དྲི་མ་མེད
iiif viewer powered by OpenSeadragon
