| e-texts navigator |
| Wylie |
291b1 རྣམ་པར་ཡང་མི་འགོག། མི་གསུང་མི་འགོག་པ་ལ་ཡང་མི་གནས། འཁོར་གྱི་དཀྱིལ་འཁོར་དང་། སྣོད་ཀྱི་ཁམས་ཐམས་ཅད་དང་། སའི་ཁྱད་པར་ཐམས་ཅད་ལ་ཡང་མི་གཟིགས་མི་དགོངས།། གཟིགས་ཤིང་དགོངས
291b2 པ་ལ་ཡང་མི་འགོག། རྣམ་པར་ཡང་མི་འགོག། མི་འགོགས་པ་ཡང་མི་གནས་སོ།། དེ་ནས་ཏིང་ངེ་འཛིན་ལ་སྙོམས་པ་ཞུགས་མ་ཐག་ཏུ་འཁོར་གྱི་དཀྱིལ་འཁོར་དེ་དག་དང་།། སྣོད་ཀྱི་ཁམས་དེ་དག་དང་། བཅུད་ཀྱི
291b3 ཁམས་དེ་དག་དང་། སའི་ཁྱད་པར་དེ་དག་ཐམས་ཅད་ཀྱང་སྒྱུ་མའི་མཚན་ཉིད་ཙམ་དུ་ཡང་དམིགས་སུ་མེད་དོ།། དཔེར་ན་ནམ་མཁའ་ནི་ཆོས་ཐམས་ཅད་ཀྱི་རྗེས་སུ་ཡང་སོང་ལ་ཇི་ལྟར་བུའི་ངོ་བོར་ཡང་གདགས་སུ
291b4 མེད་པ་དེ་བཞིན་དུ་དོན་དམ་པར་བྱང་ཆུབ་སེམས་དེ་ཡང་ཐམས་ཅད་ལ་ཡང་ཁྱབ་ལ་སྨྲ་བསམ་ལས་ཀྱང་འདས་སོ།། དེ་ལྟར་ཆོས་ཀྱི་སྐུའི་ངོ་བོར་བརྗོད་དུ་མེད་པ་ལ་བརྣལ་བཞིན་དུ་ཡུལ་ཀུན་ཏུ་བཟང་མོ་རྔམ་པའི་ཀྲོ
291b5 དྷའི་རྒྱལ་མོས་སྟོང་ཉིད་ཀྱི་ངང་ལས་གླུ་འདིས་བསྐུལ་ལོ།། ཨོཾ་སྣང་སྟོང་སྟོང་པའི་རྡོ་རྗེ་ཆོས་ཀྱི་སྐུ།། སྨྲ་བསམ་ལས་འདས་དོན་དམ་བྱང་ཆུབ་སེམས།། སྟོང་ཉིད་ངང་ལས་མི་འདའི་དམ་ཚིག་གིས།། སྙིང་རྗེ་ནམ་མཁའི
291b6 ངོ་བོ་བསྟན་དུ་གསོལ། ཞེས་བསྐུལ་བས། བསྐུལ་བར་ཐུགས་སུ་ཆུད་ནས་སྟོང་ཉིད་ཀྱི་ཏིང་ངེ་འཛིན་གྱི་ངང་ལས་རིག་པའི་ཡེ་ཤེས་སྙིང་རྗེ་ཆེན་པོ་ཡིས་ཀུན་དུ་ཀློང་བདལ་བར་ཁྱབ་སྟེ། སྙིང་རྗེ་ཆེན་པོ་དེས་འཁོར་གྱི
iiif viewer powered by OpenSeadragon
