| e-texts navigator |
| Wylie |
288a1 དང་སྣམ་རྟེན་དུ་ལྡན་པར་གནས་སོ།། གཞན་ཡང་ཁྲག་འཐུང་གི་ཚོགས་འདུས་པའི་གནས་སུ་ཡང་འགྱུར་ཏེ། དུར་ཁྲོད་ཀྱི་རྒྱན་གྱི་ཁྱད་པར་གྱི་བྱེ་བྲག་ཞིང་གི་གདན་དག་སྦྲུལ་ནག་གི་ཆུན་འཕྱང་དང
288a2 ཟོཐོད་པ་རྣམ་གསུམ་གྱི་མཚན་མ་དང་། རླུང་ནག་གི་ཕུང་པོ་སྤུངས་ཤིང་རཀྟའི་རྒྱ་མཚོ་མི་བཟད་པར་འཁྲུག་པ་དང་། མེ་རི་སེར་ནག་ཏུ་འཁྱིལ་ཅིང་འབར་བ། ཀེང་རུས་ཀྱི་རི་རབ་ལས་རཀྟའི་ཁྲག་ཞག་གི་ཆུ་འབབ
288a3 པ། འབར་བའི་འཕྲོ་བ་མང་པོ་འཁྲུག་པའི་གནས་ན་དྲེགས་པ་ཁྱོ་ཤུག་དང་། སེམས་ཅན་ཆེན་པོའི་གདན་དང་བཅས་པའི་གནས་ཀུན་དུ་བཟང་པོའི་བསོད་ནམས་དང་ཡེ་ཤེས་ཀྱི་ཚོགས་ལས་གྲུབ་པ། རྣལ་འབྱོར་གྱི
288a4 དབང་ཕྱུག་ཆེན་པོའི་རྡོ་རྗེ་གསང་བའི་གྲལ་དུ་གྱུར་པ་ན་རྣལ་འབྱོར་གྱི་དབང་ཕྱུག་གི་འཁོར་ཚོགས་བརྗོད་པ་ལས་འདས་པའི་ཡང་བརྗོད་པ་ལས་འདས་པ། སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་འཁོད་པ་ནི་རྣལ
288a5 འབྱོར་གྱི་དབང་ཕྱུག་ཆེན་པོ་དང་། ཁྲག་འཐུང་རོལ་པའི་ཚོགས་དང་དད་པས་འདུས་པའི་ཚོགས་རྣམས་དང་ཐབས་ཅིག་ཏུ་བཞུགས་པ་འདི་ལྟ་སྟེ། ནམ་མཁའི་དབྱིངས་དང་མཉམ་པའི་དེ་བཞིན་གཤེགས་པ་བཙུན
288a6 མོ་དང་བཅས་པ་དེ་བཞིན་གཤེགས་པ་རྣམ་པར་སྣང་མཛད་དང་། དེ་བཞིན་གཤེགས་པ་མི་བསྐྱོད་པ་དང་། དེ་བཞིན་གཤེགས་པ་རིན་ཆེན་འབྱུང་ལྡན་དང་། དེ་བཞིན་གཤེགས་པ་སྣང་བ་མཐའ་ཡས་དང་། དེ
iiif viewer powered by OpenSeadragon
