| e-texts navigator |
| Wylie |
287b1 དབྱིངས་སུ་ཐིམ་པའི་འོད་ཟེར་གསལ་བ།། སྤྲོས་པ་མེད་པའི་ཚུལ་གྱིས་ཕོ་བྲང་གི་སྙིང་པོ་ཟླུམ་པོར་གྱུར་པ། དབྱིངས་དང་ཡེ་ཤེས་རྒྱུ་དང་འབྲས་བུར་ལྡན་པའི་འཁོར་ལོ་རྩིབས་དང་ལྡན་པ། ཐམས་ཅད་མཁྱེན་པའི
287b2 ཡེ་ཤེས་རང་སྣང་བའི་ཐབས་ལས་བྱུང་བའི་མུ་ཁྱུད་ཀྱིས་བསྐོར་བ། བསོད་ནམས་དང་ཡེ་ཤེས་ཀྱི་ཚོགས་ཐུགས་རྗེས་རྒྱས་པའི་ཕྱིར་གྲུབ་བཞིར་གསལ་བ། རྣམ་པར་ཐར་པའི་སྒོ་ནས་འཇུག་པའི་སྒོ་བཞིན་རྣམ་པར
287b3 ཐར་པ་བརྒྱད་ཀྱི་ལམ་སྟེགས་སུ་ཤར་བ། ཕྱི་དང་ནང་མེད་པར་ལྷུན་གྱིས་གྲུབ་པའི་གཞན་ཡས་ཁང་དེ་ན་ཉི་མ་ཟླ་བ་རངས་པ་དང་ཕྱེད་ཀྱིས་འོད་གསལ་སྣང་བ་དང་། ཆེ་བའི་ཡོན་ཏན་རྣམ་པ་སྣ་ཚོགས་པའི་དྲིལ་བུ
287b4 དང་མུ་ཏིག་གི་ཆུན་མཛེས་འཕྱང་བ་དང་། ཤར་བུའི་རྒྱན་དང་། བླ་རེ་དང་། གདུགས་དང་། རྒྱལ་མཚན་ལ་སོགས་པའི་རྒྱན་གྱི་ཁྱད་པར་དང་། མཉམ་པ་ཉིད་ཀྱི་ཏ་ལའི་ལྗོན་ཤིང་དང་། རེ་བ་སྐོང་བའི་དཔག
287b5 བསམ་གྱི་ཤིང་དང་། ཡིད་བཞིན་གྱི་ནོར་བུ་རིན་པོ་ཆེའི་རྒྱལ་མཚན་དང་། འཇིག་རྟེན་པའི་ལྷ་དང་། ལྷའི་བུ་མོ་རྣམ་པ་སྣ་ཚོགས་པའི་རོལ་མོ་དང་གླུ་དབྱངས་ཀྱི་ཚིགས་སུ་བཅད་པས་བརྒྱན་པའི་གནས་ཁྱད་པར་རྒྱུ
287b6 རིན་པོ་ཆེ་སྣ་ཚོགས་ལས་གྲུབ་པའི་གནས་དེ་ཉིད་ན་ཐབས་དང་ཤེས་རབ་རང་བཞིན་གྱིས་འོད་གསལ་བའི་ཉི་ཟླ་དང་མ་ཆགས་མ་གོས་པའི་པདྨ་དང་མི་ཟད་པའི་རིན་པོ་ཆེ་འབར་བའི་གདན་ཁྲི་དང་གཟིམས་ཆ
iiif viewer powered by OpenSeadragon
