| e-texts navigator |
| Wylie |
287a1 རྒྱ་གར་སྐད་དུ། སརྦ་ཏ་ཐཱ་ག་ཏ་གུ་ཧྱ་མ་ཧཱ་གུཔྟ་ཀོ་ཥ་ཨཀྵ་ཡ་ནི་དྷི་དཱི་བ་མ་ཧཱ་པྲ་ཏ་སཱ་དྷ་ན་ཏནྟ་ཛྙཱ་ནཱ་ཤཱུརྱ་དྲཱ་ཏི་ཙཀྲ་ནཱ་མ་མ་ཧཱ་ཡཱ་ན་སྭ་ཏྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་གསང་བ།
287a2 གསང་བའི་མཛོད་ཆེན་པོ་མི་ཟད་པ་གཏེར་གྱི་སྒྲོན་མ།། བརྟུལ་ཞུགས་ཆེན་པོ་བསྒྲུབ་པའི་རྒྱུད། ཡེ་ཤེས་རྔམ་པ་གློག་གི་འཁོར་ལོ་ཞེས་བྱ་བ་ཐེག་པ་ཆེན་པོའི་མདོ། བཅོམ་ལྡན་འདས་དཔའ་ཡེ་ཤེས་རྔམ་པའི་རྒྱལ
287a3 པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གསང་བ་མཆོག་གི་བདག་པོ་དཔལ་ཀུན་དུ་བཟང་པོ་ཆེན་པོ་ཡེ་ཤེས་རྔམ་པའི་རྒྱལ་པོ་ཞེས་བྱ་བ་ཕྱོགས་བཅུ་དང་དུས་བཞིས
287a4 བསྡུས་པའི་བདེ་བར་གཤེགས་པ་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱི་སྐུ་གསུང་ཐུགས་རྡོ་རྗེ་མི་ཕྱེད་པའི་བདག་ཉིད་ཆེན་པོ།། གསང་བ་མཆོག་གི་དགྱེས་པ་ན། ལྷུན་གྱིས་གྲུབ་པའི་ལོངས་སྤྱོད་ཆེན་པོ། ཆོས
287a5 མ་ལུས་མི་ལུས་ལུས་པ་མེད་པ་ཐམས་ཅད་ཀྱི་རང་བཞིན་ཆེན་པོ། ངོ་མཚར་རྨད་དུ་བྱུང་བའི་ཆོ་འཕྲུལ་ཆེན་པོའི་བདག་ཉིད་དེ་འོག་མིན་གྱི་གནས་མཐའ་དང་དབུས་བརྗོད་དུ་མེད་པ་ན་རང་བཞིན་ལྷུན་གྱིས་གྲུབ
287a6 པའི་གསང་བ་མཆོག་གི་དཀྱིལ་འཁོར་གསང་བ་ཡུམ་གྱི་མཁའ་རྣམ་པར་དག་པའི་གཞལ་ཡས་ཁང་ན་གཅིག་དང་དུ་མ་དག་བྲལ་བའི་ཕྱིར་རྒྱ་ཕྱོགས་བཅུར་ཡོངས་སུ་མ་ཆད་པ། ཆོས་ཐམས་ཅད་གཉིས་སུ་མེད་པའི
iiif viewer powered by OpenSeadragon
