| e-texts navigator |
| Wylie |
286a1 དེ་ཡི་ཡེ་ཤེས་མཐའ་ཡས་ཏེ།། རྣམ་པ་ཐམས་ཅད་མཁྱེན་ཉིད་པས།། མདོ་དོན་གཅིག་ཏུ་བསྡུས་པར་གསུངས།། གྲོགས་པོ་དག་དེ་དག་ནི་དེ་བཞིན་གཤེགས་པ་ཐམས་ཅད་དགོངས་པ་དེ་ཁོ་ན་ཉིད
286a2 གཅིག་ཏུ་འདུས་པར་དེ་བཞིན་གཤེགས་པ་ཐམས་ཅད་འདུས་ནས་བཤད་པ་སྟེ། ཐམས་ཅད་ཀྱི་མདོ་དེ་ཁོ་ན་ཉིད་དུ་འདུས་པར་ཤེས་པར་བྱའོ།། དེ་སྐད་ཅེས་སྨྲས་པས།། དམན་པ་རྣམས་གཅིག་ཏུ་ངེས་པ་དམ་པ
286a3 རྙེད་པར་གྱུར་ཏོ།། དེ་ནས་གསང་བ་པའི་བདག་པོ་ཉིད་ལ་དམན་པ་རྣམས་ཡི་རངས་ཏེ། མངོན་པར་བསྟོད་པ། ཨེ་མ་ཧོ་སྐྱེས་ཆེན་གསང་བའི་བདག། རྩལ་ཆེན་སྨྲས་པ་སེང་གེའི་སྒྲ།། དེ་བཞིན་གཤེགས་པ་ཀུན་གྱི
286a4 ཐུགས།། སངས་རྒྱས་ཀུན་སྔོན་ཡེ་ནས་བྱུང་། ཁྱོད་ནི་སངས་རྒྱས་ཀུན་གྱིས་མེས།། ཆེ་མཆོག་རྗེ་བཙན་དམ་པའི་སྒྲ།། བདེ་གཤེགས་ཀུན་གྱི་བཤེས་གཉེན་མཆོག། སེམས་དཔའ་སངས་རྒྱས་ཀུན་གྱི་དངོས།། ཀུན
286a5 གྱི་འབྱུང་གནས་མེ་ལོང་གསལ། ཕྱོགས་ཀུན་གསལ་འགྲེལ་ངེས་པའི་མདོ།། ཐེག་ཆེན་རྨད་གྲགས་ངོ་མཚར་ཆེ།། གསང་ཆེན་བྱུང་ཚུལ་ངོ་མཚར་ཆེ།། ཨ་ཧོ་ཞེས་ངེས་པ་དམ་པར་མངོན་པར་བསྟོད།། དེ་ནས་ཅང་མི
286a6 དམིགས་པར་གྱུར་ཏེ།། གང་དུ་ངེས་པར་བགྲོས་པའི་གསང་བ་དམ་པར་དག་ལྷ་དང་མིའི་འཇིག་རྟེན་དུ་རྒྱ་ཆེར་གྲགས་ཤིང་ཡོངས་སུ་གྲགས་པར་གྱུར་རོ།། སངས་རྒྱས་ཀུན་གྱི་དགོངས་འདུས་པའི་མདོ་ཆེན་པོ་ལས
iiif viewer powered by OpenSeadragon
