| e-texts navigator |
| Wylie |
285b1 དག་གང་ལྡན་པ། དམན་པའི་ལུས་ལ་སངས་རྒྱས་ཡིན།། དེ་ལ་མ་གཏོགས་གང་ཞིག་ན།། སངས་རྒྱས་བྱ་བ་ག་ལ་ཡོད།། ཅེས་ཡེ་ནས་སངས་རྒྱས་པར་བསྔགས་སོ།། ལ་ལ་ནི་སྐད་དུ།། བརྟན་གཡོ་དཀྱིལ་འཁོར
285b2 ཕྱག་རྒྱ་རྫོགས།། རྟོག་འཛིན་སྒྲ་མཐའ་ཏིང་འཛིན་བསྔགས།། མེད་རྒྱུ་རྟགས་ཆགས་མཚོན་པའི་ཚིག། བསྒྲུབ་འགྲུབ་བལྟས་སྣང་འབྲས་བུའོ།། ཞེས་གསང་སྔགས་དམ་པའི་ཚིག་གོ། གྲོགས་པོ་དག་དེ་ལྟར་ནི་དེ
285b3 བཞིན་པ་ཐམས་ཅད་ཀྱི་དགོངས་པ་དམ་པ་དེ་ཁོ་ན་ཉིད་ལས་འདི་སྐད་དུ།། ཐམས་ཅད་ཐམས་ཅད་ཇི་སྙེད་པ།། ཚིག་གི་ཐ་སྙད་ཙམ་དག་ལས།། འདི་ལ་བྱ་བ་ཅི་ཡང་མེད།། རང་བཞིན་དེ་ཉིད་ཡེ་སངས་རྒྱས། ཨ
285b4 ཧོ་ཞེས་དེ་བཞིན་གཤེགས་པ་ཐམས་ཅད་ལས་འདས་ཏེ་བདེ་བ་ཆེན་པོ་ལྷུན་དང་བར་གྱུར་ཏོ།། དེ་ནས་གསང་བའི་བདག་པོ་ཉིད་ཀྱིས་ཚིགས་སུ་བཅད་དེ་སྨྲས་པ། དཔེར་ན་ཀུན་དུ་རྒྱུ་བའི་མི།། འདོད་པའི་ཡུལ་དུ
285b5 གང་འགྲོ་བ།། ཡུལ་གྱི་རྣམ་པ་མཐའ་ཡས་ཀྱང་།། བགྲོད་ཡུལ་ལམ་གནས་གཅིག་ལས་མེད།། དེ་བཞིན་བསམ་གྱིས་མི་ཁྱབ་པའི།། རྣམ་གྲངས་ཆོས་སྒོ་ཇི་སྙེད་ཀྱང་།། བཀྲིད་པས་དྲང་བའི་ཚིག་ཡིན་ཏེ།། བསམ
285b6 པའི་ཡུལ་ནི་གཅིག་པའོ།། དོན་རྣམས་གཅིག་ཏུ་བསྡུས་པ་ཡི།། བསླབ་པར་བྱ་བ་དམ་པ་སྟེ།། ངེས་པར་གཅིག་ལས་མེད་པའི་ཕྱིར།། ཀུན་འདུས་དམ་པའི་བསླབ་པར་གཅེས།། དམ་པ་འདིར་འདུས་ཀུན་ཤེས་ན།།
iiif viewer powered by OpenSeadragon
