| e-texts navigator |
| Wylie |
285a1 སྟོང་པ་ཉིད་ཀྱི་ཆོས་ཉིད་ལ།། གནས་པ་གང་ཡིན་དེ་དག་གིས།། གཉེན་པོ་བསྟན་དུ་ཅི་ཡང་མེད།། ཅེས་ལ་གཅད་པ་དམ་པར་བསྔགས་སོ།། ལ་ལ་ནི་འདི་སྐད་དུ།། ཐམས་ཅད་རང་བཞིན་མ་བཅོས
285a2 པ།། ཇི་བཞིན་པ་ཡི་དེ་བཞིན་དུ།། རང་རིག་བླ་ན་མེད་པ་ཡི། བྱང་ཆུབ་མཆོག་ཏུ་སེམས་བསྐྱེད་པའོ།། ཞེས་སེམས་བསྐྱེད་པ་རྣམ་པར་བསྔགས་སོ།། ལ་ལ་ནི་འདི་སྐད་དུ། ཅི་ཡང་མི་སེམས་མི་གཡོ་ཞིང་།། མི
285a3 རྟོག་རྣམ་པར་མི་གཡེང་བ།། ཀུན་ལ་ཁྱབ་པར་བདལ་བའི་དབྱིངས།། ཀུན་ཤོང་བྱ་མེད་ཐེག་ཆེན་མཆོག། ཅེས་ཐེག་པ་ཆེན་པོའི་གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ། ཐེག་ཆེན་གསང་བའི་སྙིང
285a4 པོ་འདི།། དབུ་མར་མི་དམིགས་མཐའ་ལས་འདས།། གང་འདིར་དབུ་མར་འདོད་པ་དག། མཐའ་ལས་འདས་པར་ག་ལ་འགྱུར།། ཞེས་དབུས་མཐར་མི་དམིགས་པར་བསྔགས་སོ།། ལ་ལ་ནི་འདི་སྐད་དུ།། ཆོས་ཀུན
285a5 མི་མཐོང་ཆོས་ཉིད་ཀྱང་།། མི་མཐོང་སེམས་ཅན་སེམས་མི་མཐོང་།། སངས་རྒྱས་མི་མཐོང་གང་མཐོང་བ།། དེ་ཡི་དོན་དམ་ཡང་དག་མཐོང་།། ཞེས་མཐོང་བ་ཡོངས་སུ་བསྔགས་སོ།། ལ་ལ་ནི་འདི་སྐད་དུ།། ཡེ་ནས
285a6 མ་བཅོས་ཇི་བཞིན་པ།། མི་སྐྱེ་མི་འགག་རྣམ་ཀུན་མཁྱེན།། སུས་ཀྱང་མ་བྱས་རང་བྱུང་བ།། རྣམ་པར་རྟོག་པའི་གློ་བུར་ཡིན།། ཞེས་མ་བསླད་པར་དམ་པར་མེད་པར་བསྔགས་སོ།། ལ་ལ་ནི་འདི་སྐད་དུ།། དེ་ཉིད་དེ
iiif viewer powered by OpenSeadragon
