| e-texts navigator |
| Wylie |
284b1 བཞིན་ཅིར་ཡང་འབྱུང་བ་ཡི།། ཆོ་འཕྲུལ་འབྱུང་བས་སེམས་ཅན་རྣམས།། ཇི་ལྟར་འདུལ་བ་མཐོང་ཟོས་སྣང་།། ཞེས་ཐམས་ཅད་རྒྱུ་མེད་པ་ལ་བསྔགས་སོ།། ལ་ལ་ནི་འདི་སྐད་དུ།། ཟབ་མོ་སངས་རྒྱས་སྤྱོད་ཡུལ་བ།།
284b2 གསང་བའི་དབྱིངས་ན་གནས་པ་ཡི།། ཐམས་ཅད་གསང་བའི་སྙིང་པོ་ཉིད།། མཐོང་བས་འགྲོ་དོན་རྒྱ་མཚོར་རྫོགས།། ཞེས་ཐམས་ཅད་ལྷུན་གྱིས་གྲུབ་པར་བསྔགས་སོ།། ལ་ལ་ནི་འདི་སྐད་དུ། དངོས་པོ་མེད་པའི་ངོ
284b3 བོ་ཉིད།། དེ་མཐོང་ངོ་བོ་ཉིད་མི་དམིགས།། དྲན་མེད་བྱ་དང་བྱེད་མེད་པ།། གནས་གསུམ་མཉམ་ཉིད་རྗེས་སུ་དྲན།། ཞེས་ཏིང་ངེ་འཛིན་དམ་པར་བསྔགས་སོ།། ལ་ལ་ནི་འདི་སྐད་དུ། གནས་གསུམ་དམིགས་པའི
284b4 འདུ་ཤེས་མེད།། མིང་མེད་ཚིག་གི་ལམ་དང་བྲལ།། བླ་མེད་འདུས་མ་བྱས་པ་ཡི།། མཆོད་པ་ཡང་དག་མཆོག་ཏུ་བཤད།། ཅེས་མཆོད་པ་དམ་པར་བསྔགས་སོ།། ལ་ལ་ནི་འདི་སྐད་དུ། བསྐལ་བ་བྱེད་པ་དཔག་མེད
284b5 དུ།། ལོག་ཅིང་ཞེན་པའི་མུན་པ་གསུམ།། དེ་ཉིད་ཚུལ་བཞིན་སྐད་ཅིག་མ།། ཀུན་གསལ་གཅིག་གིས་ཡོངས་སུ་སངས།། ཞེས་གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ། མུན་པས་འཐིབས་པ་དེ་དག
284b6 གིས།། མི་གཡོ་མི་རྟོག་དེ་ཉིད་བལྟ།། དེ་མཐོང་མུན་པ་རྣམ་དག་སངས།། འགྱོད་སངས་ཀུན་གྱི་མཆོག་ཏུ་བཤད།། ཅེས་ཚངས་པ་དམ་པར་བསྔགས་སོ།། ལ་ལ་ནི་འདི་སྐད་དུ།། མི་མཐུན་གཉེན་པོ་མི་དམིགས་པ།།
iiif viewer powered by OpenSeadragon
