| e-texts navigator |
| Wylie |
284a1 པབས།། གང་གིས་དགོངས་དཔོག་མི་ནུས།། ཚིག་ཆོག་རྒྱ་མཚོ་ཐོས་པ་མིན།། ཚིག་གཅིག་ཟོས་པ་ཐོས་པའི་མཆོག། ཅེས་ཐོས་པར་རྒྱ་མཚོའི་དམ་པར་བསྔགས་སོ།། ལ་ལ་ནི་འདི་སྐད་དུ། ཁྱབ་དང
284a2 མི་གནས་རྣམ་མི་རྟོག། མ་བྲལ་མི་གཡོ་མ་ཆགས་པ།། དེ་ཉིད་ལས་ནི་གཞན་མེད་དེ།། ཕ་རོལ་ཕྱིན་པ་དེ་ཁོ་ན། ཞེས་འཐར་སོན་པ་དམ་པར་བསྔགས་སོ།། ལ་ལ་ནི་འདི་སྐད་དུ། འདོན་བརྗོད་འདྲི་ཀློག་དོན་བྱེད
284a3 པ།། དམུས་ལོང་དམུ་རྒོད་རྒྱུག་པ་འདྲ།། དབྱིངས་ཀྱིས་བྱིངས་ལ་བྲིས་པའི་དོན།། རང་རིག་འདོན་བརྗོད་འདྲི་ཀློག་མཆོག། ཅེས་སྤྱོད་པ་དམ་པར་བསྔགས་སོ།། ལ་ལ་ནི་འདི་སྐད་དུ།། མཚན་མར་བྱས་དང་སྣང
284a4 བའི་མཆོག། མ་འདྲེས་ཡོངས་སུ་རྫོགས་པ་ཡི།། མཁའ་དང་འཇའ་ལྟར་རྣམ་རིག་པ།། བསྔོ་བ་བླ་མེད་བྱང་ཆུབ་ཉིད།། ཅེས་བསྔོ་བ་དམ་པར་བསྔགས་སོ།། ལ་ལ་ནི་འདི་སྐད་དུ། ཆོས་གང་སེམས་ཀྱི་དེ་ཉིད་ལ།།
284a5 གཉིས་དང་མཐའ་རུ་གང་ལྟ་བ།། མ་རིག་འཁྲུལ་པས་ཕྱིན་ཅི་ལོག། ཐེག་ཆེན་གསང་སྔགས་ལམ་ལས་ལོག། ཅེས་གདམས་ངག་དམ་པར་གསུངས་སོ།། ལ་ལ་ནི་འདི་སྐད་དུ། རྒྱུ་རྐྱེན་རྟེན་འབྲེལ་རིམ་གྱིས་པ།། བློ
284a6 ཆུང་རྨོངས་པས་ཁྲིད་པའི་ཐབས།། མ་བཅོས་དེ་བཞིན་ཉིད་འདི་ལ།། རྟེན་འབྲེལ་རྒྱུ་འབྲས་རིམ་གྱིས་མེད།། ཅེས་ངེས་པར་དམ་པར་བསྔགས་སོ།། ལ་ལ་ནི་འདི་སྐད་དུ། མ་བཅོས་དེ་བཞིན་ཉིད་འདི་ལ།། ཡིད
iiif viewer powered by OpenSeadragon
