| e-texts navigator |
| Wylie |
283a1 སེམས་གཏི་མུག་ལ།། དངོས་པོ་ཀུན་བཅོམ་ཞེ་སྡང་ཉིད།། ཡེ་འབྱམ་ང་རྒྱལ་བདག་ཉིད་ཆེ།། བདེ་ཆེན་རང་བཞིན་རྗེས་ཆགས་པ།། གང་དུ་མ་འགྱུར་གཞན་ཕྲག་དོག། ཅེས་བླང་དོར་མེད་པར
283a2 བསྔགས་སོ།། ལ་ལ་ནི་འདི་སྐད་དུ། ཀུན་གྱི་རང་བཞིན་གཅིག་ཞེས་པས།། དེ་ཉིད་དབང་དུ་ཐམས་ཅད་འདུས།། ཀུན་ལ་དབང་སྒྱུར་ཟོས་པས་ན།། ཡེ་དབང་ཆེན་པོ་རྫོགས་པའོ།། ཞེ་དབང་དམ་པར་བསྔགས་སོ།།
283a3 ལ་ལ་ནི་འདི་སྐད། ཐམས་ཅད་ཀུན་འདུས་རིག་པའི་མདོ།། ཀུན་ལ་ཁྱབ་གནས་བརྟག་དཀའ་བ།། ཟབ་མོ་སངས་རྒྱས་སྤྱོད་ཡུལ་ཡིན།། རྡོ་རྗེ་ཀུན་བཀོད་རྣལ་འབྱོར་ལུང་།། ཞེས་བཀའ་དམ་པར་བསྔགས་སོ།། ལ
283a4 ལ་ནི་འདི་སྐད་དུ། དེ་ཉིད་དེར་ནི་ཀུན་གཅིག་པས།། བདག་དང་གཞན་དུ་སྣང་བ་མེད།། སྟོང་ཉིད་རྣམ་དག་ནམ་མཁའ་ལ།། གཙང་སྨེར་དབྱེ་བ་རྡུལ་ཡང་མེད།། ཅེས་བདུད་རྩི་དམ་པར་བསྔགས་སོ།། ལ་ལ་ནི
283a5 འདི་སྐད་དུ།། བྱང་ཆུབ་སྙིང་པོ་དམ་པ་ལ།། རྣམ་རྟོག་རྡུལ་གྱིས་ག་ལ་འགྲོ། དེ་ཉིད་ཆེན་པོར་འུབ་ཆུ་བས།། ཅིས་ཀྱང་མི་བསྐྱོད་ཉམ་མི་ང།། ཞེས་རེ་དོགས་མེད་པར་བསྔགས་སོ།། ལ་ལ་ནི་འདི་སྐད་དུ། རྣམ་རྟོག
283a6 མཚན་མའི་རི་བོ་འདི།། སེང་གེའི་ཁོག་པ་རང་ཞིག་ལྟར།། སྟོང་ཉིད་རང་ཉིད་མ་ཞིག་ན།། གཞན་གྱིས་འཇིག་པར་ག་ལ་འགྱུར།། ཞེས་རང་བཞིན་དམ་པར་བསྔགས་སོ།། ལ་ལ་ནི་འདི་སྐད་དུ། བདེ་ཆེན་རྣམ་དག
iiif viewer powered by OpenSeadragon
