| e-texts navigator |
| Wylie |
282b1 འགྱུར་མི་འཇིག་རྡོ་རྗེ་དོན།། སྣ་ཚོགས་ཀུན་འབྱུང་རིན་པོ་ཆེ།། མ་ཆགས་རྣམས་དག་པདྨོ་ཉིད།། ཐམས་ཅད་ལྷུན་གྲུབ་མཛད་པ་ཆེ།། མ་ནོར་མ་བཅོས་དེ་བཞིན་ཉིད།། ཅེས་ཡང་ངེས་པར་དམ་པར་བསྟན་ཏོ།། ལ
282b2 ལ་ནི་འདི་སྐད་དུ། སྟོང་ཉིད་གཟུགས་མེད་ཆོས་ཀྱི་སྐུ།། སྨོན་མེད་ཡིད་ལས་འདས་པའི་གསུང་། མཚན་མེད་རྟོག་ལས་འདས་པའི་ཐུགས།། རྟོག་མེད་རེ་སྐོང་ཡོན་ཏན་མཛོད།། ཐབས་ཀྱི་གར་ཐབས་ཕྲིན་ལས
282b3 མཛད།། ཅེས་ཆོ་འཕྲུལ་སྣ་ཚོགས་འབྱུང་བར་བསྔགས་སོ།། ལ་ལ་ནི་འདི་སྐད་དུ།། མི་རྟོག་ཆོས་ཀྱི་མེ་ལོང་གསལ།། གཉིས་སུ་མེད་པས་ཐམས་ཅད་མཉམ།། སྣ་ཚོགས་མཚན་ཉིད་མ་འདྲེས་མཁྱེན།། ནན་ཏན་ཆེན
282b4 པོར་ཁྱབ་གྲུབ་མཛད།། ཡེ་ཉིད་ཀུན་གྱི་རང་བཞིན་མཁྱེན།། ཞེས་ཡེ་ཤེས་རྒྱུན་དུ་འཆར་བར་བསྔགས་སོ།། ལ་ལ་ནི་འདི་སྐད་དུ། སྣང་སྟོང་གོ་འབྱེད་ཀུན་ཁྱབ་མཁའ། ཐེག་དབྱིངས་ལ་ནི་ཀུན་གནས་ས།། ཞི་གནས
282b5 རྣམ་དག་ཆུ་ཆེན་པོ།། ལྷག་མཐོང་ཡེ་ཤེས་འོད་འབར་མེ།། ཤེས་བྱ་ཐོགས་མེད་འཐོར་བའི་རླུང་།། ཞེས་ཐམས་ཅད་འབྱུང་བར་བསྔགས་སོ།། ལ་ལ་ནི་འདི་སྐད་དུ། མ་འདྲེས་ཡོངས་རྫོགས་གསལ་སྟོང་གཟུགས།།
282b6 ཁྱབ་གསལ་རང་བཞིན་འགྲོ་བའི་སྒྲ།། དང་བས་སིམ་བྱེད་ཆོས་ཀྱི་དྲི། དོན་བཅུ་ཉམས་སུ་མྱོང་བའི་རོ།། བདེ་མཆོག་དོན་ལ་རེག་པ་ཉིད།། ཅེས་ཡོན་ཏན་དམ་པར་བསྔགས་སོ།། ལ་ལ་ནི་འདི་སྐད་དུ། ཅི་ཡང་མི
iiif viewer powered by OpenSeadragon
