| e-texts navigator |
| Wylie |
282a1 འདིར་བཤད་པས།། འདི་དོན་གང་རིག་ཟོས་པའི་མཆོག། ཐམས་ཅད་འདི་ལས་འབྱུང་བ་ན།། འདི་ཤེས་ཀུན་ཤེས་ཤེས་རབ་མཆོག། ཅེས་ཤེས་རབ་མཆོག་དམ་པར་བསྔགས་སོ།། ལ་ལ་ནི་འདི་སྐད
282a2 དུ། གསང་བའི་ནང་ན་གསང་ཆེན་འདི།། ཉིད་ཀྱིས་ཉིད་ཀྱང་མི་མཐོང་བར།། གཞན་གྱིས་མཐོང་བར་ག་ལ་འགྱུར།། དེ་ཉིད་དམ་པ་རྣམས་ཀྱིས་བསྔགས།། ཞེས་གསང་བ་དམ་པོར་བསྔགས་སོ།། ལ་ལ་ནི་འདི
282a3 སྐད་དུ། ཆོས་རྣམས་ཀུན་གྱི་སྙིང་པོ་འདི།། གསེར་དང་མཁའ་བཞིན་མི་འགྱུར་བས།། མི་ནུབ་སྟོང་བྲལ་མེད་པའི་ཕྱིར།། ཆོས་ཀྱི་དམ་པ་དོན་པོ་མཆོག། ཅེས་དམ་པ་ཆེན་པོར་བསྔགས་སོ།། ལ་ལ་ནི་འདི་སྐད་དུ།།
282a4 ཐོག་མ་མེད་ནས་བསགས་པ་ཡི།། རྣམ་རྟོགས་སྤྲིན་ཕུང་དཔག་མེད་པ།། སྟོང་ཉིད་ཅི་ཅར་རིག་པ་ཡིས།། དེ་བཞིན་ཉིད་དུ་རྣམ་པར་སྒྲོལ།། ཞེས་གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ། ཇི་སྙེད
282a5 བསམ་གྱིས་མི་ཁྱབ་པའི།། ཆོས་ཀུན་སྟོང་པར་རིག་ངེས་ན།། སངས་རྒྱས་ཀུན་དང་མཉམ་སྦྱོར་བས།། རྣལ་འབྱོར་ཆེན་པོའི་བསམ་གཏན་ཡིན།། ཞེས་རྣལ་འབྱོར་དམ་པར་གདམས་སོ།། ལ་ལ་ནི་འདི་སྐད་དུ།།
282a6 འཁོར་བ་ཇི་སྲིད་ཡོད་པར་དུ།། བསྟན་པའི་སྙིང་པོ་ཉི་མ་ཤར།། རང་བཞིན་ཆོས་ཉིད་འཁོར་ལོ་འདི།། མི་ནུབ་རྒྱུན་མི་འཆད་པར་བསྐོར།། ཞེས་གསང་བ་དམ་པའི་ཐེག་པར་བསྔགས་སོ།། ལ་ལ་ནི་འདི་སྐད་དུ། མི
iiif viewer powered by OpenSeadragon
