| e-texts navigator |
| Wylie |
281b1 བསྔགས་སོ།། ལ་ལ་ནི་འདི་སྐད་དུ། བསམ་གྱིས་མི་ཁྱབ་མི་ཤེས་པར།། བསམ་མེད་ངང་དུ་གང་འཇོག་པ། བྱིས་པ་དེ་ནི་བླུན་པ་སྟེ། མུན་པའི་སྐྱེ་མཛེས་ཉིད་དུ་འགྱུར།། ཞེས་ཀུན་ནས་རྩེ་བ་དང་དམ་པར་བསྔགས
281b2 སོ།། ལ་ལ་ནི་འདི་སྐད་དུ། བསམ་མེད་བསམ་གྱིས་མི་ཁྱབ་ཆོས།། ལྷག་པར་མཐོང་ནས་ཞི་གནས་པ།། རྣམ་རྟོགས་སྤོང་ལེན་གང་བྱེད་པ།། དེ་དག་སྒྲིབ་པ་མུ་མཐའ་ཡས།། ཞེས་བཤེས་གཉེན་དམ་པ་ཉིད་དུ
281b3 གདམས་སོ།། ལ་ལ་ནི་འདི་སྐད་དུ། སྣ་ཚོགས་སོ་སོ་ཀུན་རིགས་ཀྱང་།། ཀུན་གྲོལ་རྣམ་དག་ལམ་མེད་ན།། དམ་པ་ཉིད་ལས་ཤིན་ཏུ་གོལ།། ནམ་ཡང་ངེས་པ་རྙེད་པ་མིན།། ཞེས་བཀའ་དམ་པར་གདམས་སོ།། ལ
281b4 ལ་ནི་འདི་སྐད་དུ། སྣ་ཚོགས་རིམ་གྱིས་འཇུག་པ་དང་།། བསམ་སྤྱོད་བློ་ཡི་ནང་དུ་འགྱུར།། བསམ་མེད་ཡོངས་སུ་རྫོགས་པའི་དོན།། རིམ་གྱིས་པ་ཡི་དུག་ཆེན་ཡིན།། ཞེས་ཁྱད་པར་དམ་པར་གདམས་སོ།། ལ་ལ་ནི
281b5 འདི་སྐད་དུ། སྣ་ཚོགས་སོ་སོར་མ་རེག་པར།། དེ་བཞིན་ཉིད་དུ་ངེས་མི་རྙེད།། དེ་ཉིད་ངེས་པར་མ་རྙེད་ན།། སྣ་ཚོགས་སྨྲ་བ་རུང་མ་ཡིན།། ཞེས་ནན་ཏན་དམ་པར་གདམས་སོ།། ལ་ལ་ནི་འདི་སྐད་དུ།། མཁའ་ལ
281b6 འཇའ་སྣང་ཇི་བཞིན་དུ།། བསམ་ཡས་བསམ་སྣང་དེ་བཞིན་ནོ།། གཅིག་ཏུ་ངེས་པ་མེད་པའི་གསུང་།། ཇི་ལྟར་འབྱུང་བ་དེ་ལྟར་ཡིན།། ཞེས་དཔའ་དཀའ་བ་དམ་པར་གསུངས།། ལ་ལ་ནི་འདི་སྐད་དུ། ཀུན་གྱི་རྩ་བ
iiif viewer powered by OpenSeadragon
