| e-texts navigator |
| Wylie |
281a1 ན་སྣང་བ་མེད།། ཅེས་གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ།། ཇི་བཞིན་པ་ཡི་དེ་ཁོ་ན།། སངས་རྒྱ་ཀྱིས་ཀྱང་བྱར་མེད་ན།། གང་གིས་བཅོས་ཏེ་སུ་ཡིས་བྱས།། བྱས་པ་པོ་ཞིག་ག་ལ
281a2 ཡོད།། ཅེས་གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ།། ཡེ་ཤེས་ཅན་གྱི་སྤྱོད་ཡུལ་ནི།། དེ་བཞིན་དེ་ཉིད་ཡིན་པས་ན།། དེ་ཁྱབ་གང་གི་ཆོས་རྣམས་ཀུན།། རང་བཞིན་དག་པས་བསྒྲིབས་པ་མེད།། ཅེས
281a3 གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ། དེ་ཉིད་མཚན་ཉིད་མེད་པ་ལས།། མཚན་ཉིད་སྣ་ཚོགས་པར་སྣང་བས།། ཀུན་འབྱུང་དབྱིངས་ཀྱི་རང་བཞིན་པས།། མེད་ལ་ཟད་མི་ཤེས་པར་མཛོད།། ཅེས
281a4 གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ།། སྣ་ཚོགས་ཐེག་པའི་ལྟ་བ་དང་།། སྡོམ་པ་བསྲུང་བའི་བྱ་བ་ཀུན།། སྤྱད་པར་བྱ་བ་མ་ཡིན་ཡང་།། ཀུན་ཀྱང་མ་འདྲེས་ཡོངས་སུ་རྫོགས།། ཞེས་གསང་བ་དམ
281a5 པར་བསྔགས་སོ།། ལ་ལ་ནི་འདི་སྐད་དུ། དེ་ལ་ཕྱོགས་དང་དུས་མེད་པར།། གང་གིས་ཕྱོགས་དང་དུས་བརྟགས་པའི།། དེ་ཉིད་དེ་ལ་རྣམ་པར་སྣང་།། སངས་རྒྱས་ཀྱིས་ནི་དེ་མི་མཁྱེན།། ཞེས་གསང་བ་དམ་པར
281a6 བསྔགས་སོ།། ལ་ལ་ནི་འདི་སྐད་དུ།། བསམ་གྱིས་མི་ཁྱབ་ཀུན་ཤེས་ནས།། བསམ་དུ་མེད་པར་དེ་བཞག་ན།། དཔག་ཏུ་མེད་པའི་ཡོན་ཏན་འབྱུང་།། རྣམ་པར་ཐམས་ཅད་མཁྱེན་པ་ཡིས།། ཞེས་གསང་བ་དམ་པར
iiif viewer powered by OpenSeadragon
