| e-texts navigator |
| Wylie |
280b1 ཚིག་ཏུའོ།། ཡང་བཅོམ་ལྡན་འདས་སེང་གེ་འབུམ་གཟུགས་ངོ་བོ་ཉིད་དག་པས་འདི་སྐད་དུ།། ཇི་སྙེད་ཇི་བཞིན་ཉིད་ཀྱི་དོན།། ཡི་གེ་མིང་ཚོགས་སྒྲ་མཚོན་པ།། མིང་ཚོགས་སྒྲ་ལ་མ་བརྟེན་པར།། ཉམ་དྲོད་བློ་ཡིས
280b2 རིག་པ་མེད།། ཅེས་གསང་བའི་ཚིག་ཏུའོ།། ཡང་བཅོམ་ལྡན་འདས་ཐུབ་པའི་དབང་པོ་ངོ་བོ་ཉིད་དག་པས་འདི་སྐད་དུ།། ཆོས་ཀུན་ཆོས་ཀྱི་རང་བཞིན་ནི།། དེ་བཞིན་ཉིད་ལས་མི་གཞན་པས།། དེ་ཉིད་བྱང་ཆུབ
280b3 ལམ་ཉིད་དེས།། ལམ་དེ་སྟུག་པོ་བཀོད་པའི་གནས།། ཞེས་གསང་བའི་ཚིག་ཏུའོ།། ཀྱེ་གྲོགས་པོ་དག་གཞན་ཡང་དེ་དག་ལ་སོགས་པ།། རྡོ་རྗེ་སེམས་དཔའི་སྤྲུལ་པའི་སྒྲོན་མ་བྱེ་བ་ས་ཡ་སྙེད་ངོ་བོ་ཉིད་དག་པ་དང་།
280b4 ཆོས་ཀྱི་ཕོ་བྲང་ན་བཞུགས་པ་མཐའ་ཐུག་པ་མེད་པའི་ངོ་བོ་ཉིད་དག་པས་གསང་བའི་ཚིག་འདི་སྐད་དུ། ལ་ལ་ནི་འདི་ལྟར། རྟོག་མེད་རང་རིག་སྐད་ཅིག་མ།། སེམས་ཅན་སངས་རྒྱས་གཉིས་ཀྱི་དབྱིངས།། རིག་དང
280b5 མ་རིག་གཉིས་ཁོ་ན།། དག་དང་མ་དག་གཉིས་སུ་སྣང་།། ཞེས་གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ།། དེ་ཉིད་སྨྲ་བརྗོད་མེད་པ་ལ།། དེ་མཚོན་ཕྱིར་ན་ཐ་དད་བརྗོད།། གང་བརྗོད་པ་ཉིད་དེ་བཞིན
280b6 ཉིད།། དེ་ཉིད་སྤྲོས་མེད་རྡོ་རྗེ་དོན།། ཞེས་གསང་བ་དམ་པར་བསྔགས་སོ།། ལ་ལ་ནི་འདི་སྐད་དུ།། དེ་ཉིད་ཅིར་ཡང་མི་སྣང་ན།། གློ་བུར་རྣམ་རྟོག་ཐ་དད་པའི།། རྣམ་རྟོག་དེ་ཉིད་སྣང་བར་ཟད།། སྣང་བ་ཉིད
iiif viewer powered by OpenSeadragon
