| e-texts navigator |
| Wylie |
280a1 མེད།། ད་གདོད་བསྒྲུབ་ཏུ་ག་ལ་ཡོད།། ཅེས་གསང་བའི་ཚིག་ཏུའོ།། ཡང་བཅོམ་ལྡན་འདས་འཇིག་རྟེན་ཀུན་གྱི་ངོ་བོ་ཉིད་དག་པས་འདི་སྐད་དུ། ཆོས་ཀུན་རང་བཞིན་མེད་པ་ཉིད།། མྱ་ངན་འདས
280a2 ཞེས་དེ་ལ་བྱ།། སྟོང་ཉིད་རང་བཞིན་རྣམ་དག་ལ།། དེ་ཉིད་མི་གནས་བྱང་ཆུབ་སེམས།། ཞེས་གསང་བའི་ཚིག་ཏུའོ།། ཡང་བཅོམ་ལྡན་འདས་རྣམ་པར་རྒྱ་བ་ཉིད་དག་པས་འདི་སྐད་དུ།། རྣམ་རྟོག་ཆུ་བོའི་རྐ་མགོ་སྟེ།།
280a3 སྟོང་ཉིད་ཞིང་དུ་མ་བསྒྱུར་ན།། འཁོར་བའི་རྒྱལ་མཚོ་གཡེང་འགྱུར་བ།། དེ་མི་ཤེས་ལ་དེ་ལྟར་སྣང་།། ཞེས་གསང་བའི་ཚིག་ཏུའོ།། ཡང་བཅོམ་ལྡན་འདས་མེ་ཏོག་བཀོད་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ།།
280a4 ཇི་བཞིན་པ་ཡི་དེ་བཞིན་ཉིད།། ཐམས་ཅད་འབྱུང་བ་མ་ཡིན་པས།། ཀུན་བཟང་ཤེས་རབ་ཕ་རོལ་ཕྱིན།། སེམས་ཅན་སངས་རྒྱས་ཀུན་གྱི་གནས།། ཞེས་གསང་བའི་ཚིག་ཏུའོ།། ཡང་བཅོམ་ལྡན་འདས་ཐམས་ཅད
280a5 སྣང་བ་ངོ་བོ་ཉིད་དག་པས་འདི་སྐད་དུ།། སྟུག་པོ་བཀོད་པའི་སངས་རྒྱས་དང་། སེམས་ཅན་རྣམ་པ་ཐམས་ཅད་དག། དངོས་པོ་བརྟན་གཡོ་ལ་སོགས་པ།། དེ་ཉིད་ལས་བྱུང་དངོས་མེད་སྐུ།། ཞེས་གསང་བའི་ཚིག
280a6 ཏུའོ།། ཡང་བཅོམ་ལྡན་འདས་ཡིད་དང་ངོ་བོ་ཉིད་དག་པ་འདི་སྐད་དུ། རང་འབྱུང་ཡེ་ཤེས་རྩ་བ་ནི།། བྱང་ཆུབ་སེམས་ཉིད་ཡིན་པས་ན།། དེ་ཡི་རྩ་བ་སྙིང་རྗེ་སྟེ།། ཕ་རོལ་ཕྱིན་པར་ཐབས་ཀྱིས་སོ།། ཞེས་གསང་བའི
iiif viewer powered by OpenSeadragon
