| e-texts navigator |
| Wylie |
279b1 པོ་གཉིས།། ཡེ་ནས་དབྱེར་མེད་གཅིག་པས་ན།། གནོད་པས་འཇིགས་པ་ག་ལ་ཡོད།། ཅེས་གསུངས་སོ།། ཡང་བཅོམ་ལྡན་ངོ་བོ་ཉིད་དག་པའི་དཔལ་ངོ་བོ་ཉིད་དག་པས་འདི་སྐད་དུ། མི་འགྱུར་ནམ་མཁའི་རང
279b2 བཞིན་ཏེ།། དག་པ་དག་ལ་དག་པ་ཉིད།། རྟོག་པ་དག་ལ་རྟོག་པ་སྣང་།། ཅེས་འདུལ་དེར་སྣང་ཅི་ཡང་མེད།། ཅེས་གསུངས་སོ།། ཡང་བཅོམ་ལྡན་འདས་དགའ་མཆོག་དཔལ་ངོ་བོ་ཉིད་དག་པས་འདི་སྐད་དུ། རང
279b3 བཞིན་རང་གིས་མ་བཅོས་པ།། ཡང་གིས་འོད་གསལ་དེ་བཞིན་ཉིད།། ཀུན་གྱི་སྙིང་པོ་དེ་ཉིད་པས།། ཅིས་ཀྱང་མ་བསྒྲིབས་ནམ་མཁའ་ཆེ།། ཞེས་གསུངས་སོ།། ཡང་བཅོམ་ལྡན་འདས་གཟི་བརྗིད་དཔལ་ངོ་བོ་ཉིད
279b4 དག་པས་འདི་སྐད་དུ།། ཇི་བཞིན་པ་ཉིད་ས་མཆོག་སྟེ།། དེ་རིག་ཡེ་ཤེས་བླ་མ་ཡིས།། ཡེ་ནས་དེ་བཞིན་ཉིད་ལ་གནས།། དེ་གདོད་བགྲོད་དུ་ག་ལ་ཡོད།། ཅེས་གསུངས་སོ།། ཡང་བཅོམ་ལྡན་འདས་སངས་རྒྱས་ཀུན
279b5 གྱི་དགེ་བའི་བཤེས་གཉེན་ངོ་བོ་ཉིད་དག་པས་འདི་སྐད་དུ། སྟོང་པ་ཉིད་ཀྱི་སྙིང་པོ་ལ།། སྣ་ཚོགས་སྣང་བའི་འཁོར་གྱིས་བསྐོར།། སུས་ཀྱང་མ་བྱས་རང་འབྱུང་བ།། ཇི་བཞིན་པ་ཡི་དཀྱིལ་འཁོར་ཉིད།། ཅེས་གསང
279b6 བའི་ཚིག་ཏུའོ།། ཡང་བཅོམ་ལྡན་འདས་ངན་སོང་ཐམས་ཅད་སྦྱོང་བའི་ངོ་བོ་ཉིད་དག་པས་གསང་བས་འདི་སྐད་དུ། ཟད་མེད་ཡེ་ཤེས་དངོས་གྲུབ་ནི།། དེ་བཞིན་ཉིད་དུ་དངོས་གྲུབ་པས།། ཟད་པ་མེད་ཅིང་འཕེལ
iiif viewer powered by OpenSeadragon
