| e-texts navigator |
| Wylie |
279a1 རྟེན་རྡུལ་སྙེད་མ།། འགྲོ་བ་རྡུལ་ཕྲན་བསམ་ཡས་ལ། ཁྱད་པར་དེ་བཞིན་ཉིད་སྣང་བས།། ཏིལ་འབྲུ་མར་གྱིས་ཁྱབ་ལྟར་གནས།། ཞེས་གསུངས་སོ།། ཡང་བཅོམ་ལྡན་འདས་གསེར་གྱི་འོད་འཕྲོ་ངོ་བོ
279a2 ཉིད་དག་པས་འདི་སྐད་དུ།། རྡུལ་ཕྲན་གཅིག་ཙམ་གང་ཟག་ལ།། དགོངས་ཏེ་མདུན་དུ་གསུང་བརྗོད་པ།། དཔག་མེད་མཐའ་ཡས་རྡུལ་སྙེད་ཙམ།། དེ་སྙེད་ཀུན་དུ་ཐོས་པར་གྲོལ།། ཞེས་གསུངས་སོ།། ཡང་བཅོམ
279a3 ལྡན་འདས་བཀོད་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ།། གསུང་གཅིག་མི་ཟད་མཐའ་ཡས་གསུངས།། མཐའ་དང་དབུས་མེད་ཀུན་ཏུ་ཁྱབ། ཁྱབ་དང་ཁྱབ་མེད་རྡོ་རྗེ་གསུང་།། སྣ་ཚོགས་དངོས་མེད་དེ
279a4 བཞིན་ཉིད།། ཅེས་གསུངས་སོ།། ཡང་བཅོམ་ལྡན་འདས་གསེར་གྱི་གསུང་ངོ་བོ་ཉིད་དག་པས་འདི་སྐད་དུ། གང་ཡང་མ་བཅོས་དེ་ཉིད་ལ།། ཕྱོགས་དང་སྔ་ཕྱི་དུས་མེད་དེ།། ཐམས་ཅད་དེ་བཞིན་ཉིད་ཀྱི་དབྱིངས།།
279a5 དེ་ཉིད་རང་རིག་རང་ཉིད་དོ།། ཞེས་གསུངས་སོ།། ཡང་བཅོམ་ལྡན་འདས་དཔལ་གྱི་རྒྱལ་པོ་ངོ་བོ་ཉིད་དག་པས་འདི་སྐད་དུ།། དེ་ཉིད་དེ་སྙེད་རང་བཞིན་ཏེ།། དེ་སྙེད་དེ་ཉིད་ཡིན་པ་ལ།། བྱིས་པ་རྣམས་ཀྱིས་གཉིས
279a6 སུ་བཟུང་།། དེ་ལ་གཉིས་སུ་དབྱེ་བྱར་མེད།། ཅེས་གསུངས་སོ།། ཡང་བཅོམ་ལྡན་འདས་སྣང་བ་བརྩེགས་པའི་དཔལ་ངོ་བོ་ཉིད་དག་པས་འདི་སྐད་དུ།། སྟོང་ཉིད་ནམ་མཁའི་རང་བཞིན་དུ།། མི་མཐུན་པ་དང་གཉེན
iiif viewer powered by OpenSeadragon
